繼電腦發完脾氣後,家中的雪櫃又唔知做乜,壞壞地,將一支公心愛的雪糕溶晒(本來諗往辛苦完食的…><...),其他的(冰呀,老媽子的舊餸.)又沒事喎.真係,真係唔知講乜好.回公司諗住問o下同事仔們,有無辨法啦.初初佢地都好熱心諗o下點解,但後來當佢地聽到部雪櫃用o左二十幾年後,都異口同聲話:[買過部啦,你比佢好好咁去啦...]

回心一想,部雪櫃其實真係用o左好耐,佢係一支公人生中用過o既第二部雪櫃,都係時侯囉.所以近日都去電器舖睇o下,問o下同事用緊邊個牌子,好唔好用.做晒research.仲有同事話佢有工作証有九折添.真係萬事駒備,只等星期尾同家人一同去買.

點知,個雪櫃好似知道自己命仔不保,今日突然回復正常,好似乜事都無發生過(除o左溶o左o既雪糕,救唔番外).既然係咁,為o左環保,為o左省錢,一支公都只好當乜事都無發生過,同自己講:[咩呀!幾時有買過雪糕呀.(笑)].不過,都幾開心o既,對o左佢咁耐,點都有D感情,知道要掉o左佢果時都幾心痛嫁.人地話:人老精,鬼老靈.原來雪櫃都係一樣.對o左佢二十幾年,一支公今日先知佢原來咁古惑.