最近部腦唔知做乜,時得時唔得,一開機就醒個籃畫面比一支公,之後就失去反應.就好似發大小姐脾氣一樣.




[係呀,係唔比你上mocasting.com 呀,點呀!]

[又無乜得罪你,做乜咁玩我喎!]一支公無奈地對部腦說.

奇怪的是,一支公没有動氣,只係覺得好得意,因為毎次boot 機,仿忽知道會成功與否,如果今晚boot 唔起,得!可以收工,明天請早.有時你意為佢都係唔得果陣,佢又會一boot OK.你話鬼唔鬼馬.

部腦最近的異常表現,令一支公諗返起小時候果陣.讀小學時,一支公毎晚都會讀書溫習(半被逼的).當時喜歡當毎本書是自己的朋友.

[自然科學,尋晚讀過你,聽晚先搵你啦.]
[中國語文,好,今晚就同你讀過痛快.]
[數學,等等,好快!]

可能咁樣讀得開心D卦,就咁樣同佢發生o左感情(但發生唔到關係),所以學期過了,都會keep 住佢地.但無奈一支公唔係住幾萬呎大宅,只係幾百呎屋仔.最終都要同佢地say goodbye,但已經係一年後的事.

講番部腦,本來今日想買再過張display
card,但最後神推鬼擁下變o左買harddisk.一支公就係這樣一個咁吊兒郎噹的人,之前心裏還想著A同B,但最後可能選了C都唔出奇.哈哈,可能
三心兩意,吊兒郎噹的我和野蠻的妳,才是絕配呢.電腦小姐,求求你,唔好再唔彩我啦,好不好?明天boot 機順利,拜託,拜託.