昨日一支公與幾位友人食飯.才七時,酒樓已經坐無虛席.見到不少枱是給公司做團年飯的,今年市度真好!希望一路好落去,咁大家都有好日子過啦. ^^

由於在等枱期間,一支公三條友仔吹水吹到忘晒形,過o左都唔知.好彩!果位好好人的知客小姐唔使一支公重新排過,你知啦,一支公D青春已經無乜,仲要攞來
黎等枱.好慘o者!唔使一陣間,就有枱嘞.筆者三人,坐下,邊食邊談.由國家大事(1%),講到兒女私情(99%).談天,說地.想當年,昐明日.唔覺唔
覺,愉愉快快,無無聊聊,幾個鐘頭就過去.

離去時,見到一枱,坐着五個人,一位年輕的女士正幫一個BB掃掃背,老公公忙着幫BB拍照,五個人面上都掛着愉快的笑容.構成一幅美麗的圖畫.回頭一望,都見到不少枱上有老有幼.大家都快快樂樂.團年飯,對於一些平時要分開生活的家庭來說,不只是一餐飯咁簡單呢.

今晚,一支公到外婆家裏團年,見到她面上又多添幾條皺紋,加上銀白的髮絲,又覺倉老多幾分.一支公心中又痛多分.婆婆成日為一支公未能找到另一半而擔心,這是一支公最內疚的事.希望今年可以搵到多個人,同佢一齊得閒飲o下茶,食o下飯啦.一支公在這裏誠心許願.