唔覺,唔覺,今年聖誕又就到.經朋友一提,先記得舊年聖誕走o左去拜姻緣石.一支公為表誠意,新年果陣仲買埋桃花添,經過一番努力,家裏總算有人蜜運成功.
一支公心裏替佢開心之外,心裏就有個問號.去買桃花係我,山長水遠拜姻緣石又係我,點解,點解!!行桃花運係第二個呀…天呀
!唔通一支公只係與佛有緣…今年聖誕要去大與山食斎…唉….
(0)某天,某時,某茶餐廳,某朋友.
友:[A餐,要飯]
伙記:[紅湯,定白湯?]
友:[紅湯]
過了一陣…
伙記:[紅湯]
一支公同朋友:[咦!],眼前出現一碗粉紅色o既忌廉湯.(乜紅湯唔係等如羅宋湯咩!!!)
喝一口後,朋友道:[果然係紅湯,紅色o既忌廉湯.]
一支公問:[同白色o既有乜唔同?]
朋友肯定的道:[顏色!]
一支公同朋友,一時間有所領唔.[原來無野係理所當然o既,同下埋次去燒味茶餐廳果陣,都係叫番燒味穏陣.]
…
唔經唔覺,在這裏開始寫小記已經半個多月,發覺自己越來越喜歡,深深被這玩意吸引住,寫到停唔到手.
雖然唔係日記(哈哈…小弟只係一個平凡人,無可能日日精彩,天天新鮮,唔夠料日日寫),但可以將D得意野(自己覺得
)或者一D感覺舒發出來.同大家分享吓.原來係一件愉快的事.這裏很自由,寫乜都得,更難得你又肯睇,果o下餞鬼嘛…
寫吓寫吓,先記得自己原來係一個鐘意寫野o既人,還記得N年前,少年一支公曾經在中文作文功課中,作o左一本作文簿咁長o既文比個老師.嚇到佢花容失色,問我係唔係受到D咩打擊,係唔係失戀呀.真係激死.如果果陣,知道自己要D乜,鐘意D乜,選文科的話,相信好多野都會改寫,我都會生活得快樂好多.不過,人係咁嫁啦,錯過o左,先知道自己要D乜,鐘意D乜.結果都係諗乜都無用.機會同時間,就好似比你傷透心o既少女一樣,呢世都唔會返轉頭.但傷透心o既嘛甩佬(or一支公),在這嚴冬裏,只要心愛的妳著少o左兩衫,就會飛奔返來.為妳驅寒問暖…哈哈…真係唔話得喇掛.(咸濕就真
<-不幸被女網友踼爆)
嘩…無啦啦,講到咁遠.呢D野遲D等我有時間,你又有興趣睇先再寫啦…總之,我想講,真係好開心,搵到呢個網站.去再重拾寫野o既樂趣.
90% 準啦…一支公話 ^^ |
From : 自助占機
今早攞番件褸著果陣…
咦! 點解個袋一疊野係度o既!
嘩! 係唔知邊年o既利是來嫁.(仲要係未拆嫁!)
發逹喇! yeah! \(^0^)/
[天氣轉冷, 小心著涼, 保重!]
今日收到這個SMS, 雖然唔知邊個send (唔知(唔記得)個號碼係邊個,一支公真係抵打!) . 但收到這種message, 當然係一件開心事. 除回番個多謝message外,一支公都想講同有緣見到呢篇文o既你講聲 : 天氣轉冷, 小心著涼, 大家著多件衫呀… (^^~)
尋日, 聽到同事A話佢朋友公司比錢佢training, 自己公司真係比下去. 一支公見佢好似down down地, 諗往講D野安慰o下佢啦.
一支公 : 其實我地份工唔差呀, 都唔係無好野, 例如…唔…呀…
(呀o左成分鐘…都講唔到…
)
同事B,C,D :
A 
: 其實我知你盡o左力嫁喇…
一支公最後先發覺做o左一份唔乜好野o既工差不多二年, 心情down 到最底點.
