昨夜的團拜飯局上,一支公聽了師姐說一個故事.話說佢有一位朋友這幾年頭頭碰著黑.求教於城中高人(你都可以常常係電視見到佢).
據高人指點他衰多一年就會轉運.一年過去,他的朋友覺得他還未有起色,好似仲衰過以前.原來這位朋友,聽完高人指點後,整年乜都無做,只等運到.一個人只
在家中發呆,轉了運點會知呢?
一個人總會有好運和衰運,誰也避不了.但無論是好運或衰運,都需要自己努力去行.遇上衰運時,要事事小心,減少損失,硬著頭皮去行,相信總一天行完衰運,好運就會來.遇上好運時,就要用平時準備好的本錢,勇往直前,行到理想的目的地.
運是要行先有的,所謂”行運”就是這個意思.呢個世界只有”行運”,没有”坐運”或者”企運”.如果一支公今年有桃花運,一支公也情願同靚女一齊行,因為齋坐同企,會悶親我心愛的靚女啊!
話時話,在昨夜的飯局上,一支公幸運地抽中一份茶具.所謂”又食又拎”也就是這個意思呢.希望今年keep住好運啦! 哈哈…
行運小貼士 : 據一位懂面相的師兄講,立春前,keep 塊面白白淨淨,無乜老泥,面色紅潤,來年的運應該會不錯的.
今日去了跟一大群校友,老師,學生向母校的校監拜年,初十四仲有利是逗,真開心^^,一支公最快樂的日子就是中學時代,很感激這位慈祥的老人家,為一支公
帶來這所中學.以前只有在中學大堂,才可以見到她的相片,或學校大時大節時在遠遠看到她.想不到今天可以從她手上接過利是同祝褔她(開心加開心呢).原本
還擔心她的身體,不竟她年紀不少.但今天見她精神奕奕的樣子,一支公總算寛心了不少.
這位老人家的無私為教育精神,一支公是從心底裡尊敬她的.不久的將來就是她的九十大壽,一支公衷心的祝願她身心康健,福壽雙全.
唔知道,係唔係最近收利是收到傻 o左.
今日,一支公正在專心工作之際…
[毎位同事兩舊.]忽然聽到有位同事話.
[嘩,發達啦!]一支公心想,連忙低著頭,恭恭敬敬的伸出雙手.
[多…咦!]
一雙充滿感激的手上,多了兩舊厠紙.
年初一 : 一起床,頭痛得很(前一晚打機打得太晚的報應,打機打通頂原來真係青年人專利…噢!青春請你歸來,再伴我一會~.),整日用電話向遠方的親友拜年,晚上又要等弟弟和他的女友一齊食飯.所以整天呆在家中.
年初二 : 衝入元朗,向外婆拜年,同食開年飯.食盤菜,食到最開心之際,新間報道說有人食盤菜中毒
.一件冬菇從口裏掉下.
年初三 : 因為留o左外婆的心血(一大底年糕,數件茶果…仲有其他其他,未能盡錄…),怕她生氣,所以再入元朗,輕輕的我入去,一袋二袋出番來.打開雪櫃,原來家中還有,一底羅白糕,一底馬蹄糕,一底年糕…嘩…真係步步高升.
今年開始得好似唔係太順,但今日,回公司一路順風,收到老細利是,無風無浪又收工.回家,停了四日的厠所水又有番.都算一路向好果邊去緊啦.今年一支公有許多計劃要實現,希望一路好落去啦.
都祝大家新年,事事如意,搵工(公)得工(公),搵女得女啦…粗俗o左D,唔要介意…哈哈哈.
一樣的面孔,一樣的服飾,不一樣的表情.
一個指天篤地,一個闊佬懶理.
一個笑面迎人,一個淚流滿面.
四眼碌碌,古靈精怪.
同一車上,兩顆無塵的心.
樂極…
前日同事lunch後買一包積及橙味朱古力餅回來.不幸被一支公發現,嘿嘿…結果當然唔使講.
一咬之下,雖然味道和已前差少少,但已經將很久已前回憶,call番晒返黎.記得一支公仲係細路仔果陣.新年D賀年糖果中,積及金磚一直都係一支公至愛中
o既至愛,什麼瑞士糖,吉百利全部行開.毎次撕開包裝紙,[咦!].見到淡黃色盒面,橙色的盒身,加上盒面上的大橙.筆者就會裂口而笑.一開個盒,就見到
在紅色的膠兜上,一條金黃色的磚向我招手.折開金色的包裝紙,然後一口咬落去,包住餅乾的朱古力當然不俗,但加上裏面的橙味梜心餅後.就足夠令一班幾歲至
十幾歲的細路瘋狂.不消幾分鐘,成個金庫就比我地成班表兄弟姊妹掏空.
直到現在,個種味道同毎個嘴唇沾滿朱古力o既笑容,一支公還是好珍惜地留在腦海裏面.現在已經很難買積及金磚了,新年也收不到,成日都係金沙,好悶啊!為何好的東西總是一點一滴的悄悄溜走.
一支公一向對衣著品味都好獨到,早在讀U年代,就已一身電車男Look(未變身前).嚇親唔少女同學.唉…難怪姻緣咁落泊.
畢業
後,一直都未見有突破.最得意之作,就係將人他著櫥窗公仔著住果件,成套咁買晒.之後,絕少再去果間鋪頭,費事D人意為個櫥窗公仔做乜會通街走.嚇親街坊
啦.前幾日,陪朋友買衫,因為遲D要見工,想買條tie.係云云靚tie選了一條,問朋友意見.朋友靜了一陣:[唔…嗯…嗯…你D品味,有D
問題.].從那天起,一支公嬲o左買衫.
實其買衫真係好煩.錢花了,心機也花了.但效果總是教人失望.但如果可以同靚靚女友一齊買,比o下意見,又或者我唔買,陪佢買,見佢著住件靚衫,係我面前轉一個圈,然後輕聲問一句:[靚唔靚?].咁樣買衫,也是一樂.
(0)