夏日炎炎,你話著乜最好?
[唔著!!]
如果閣下係靚仔靚女又唔怕比差人拉的話,呢個絕對係最好o既答案.
可惜,塵世間呢D人比較少,絕大多數人都係唔多靚(如一支公),同好怕比差人拉.
記得求學時,大家的夏天校服沒有什麼神奇質地,大家無分高低,男女,富貴.没有其他選擇,只有的確涼.
正如其名,名付其實,的確涼做的校服,的確十分涼快.當時冷氣還未太普及,但著起它時,只是感覺到夏天氣息,總不覺太熱.十分舒服.還記得當時一支公的世界還未流行打波換衫(簡單D講:懶!).所以動如放學踢波,打羽毛球,在街上無所事事閒迋.或靜如去自修室愉看靚靚女同學.的確涼始終伴在我一起,走過這段青葱歲月.
它曾經染滿一支公追巴士時的汗水,也沾上失戀時的眼淚.
現在,雖然經濟上可以買到一些貴一點(但唔知貴係邊度的)的衣服,但毎年一到夏天,總會想起的確涼,也懷念著住它的毎一天.
昨天上班時,在地鐵內看見一個背著一個大背囊的外國人,看來二十多歲.一眼就看得出是一個背囊遊世界的旅行家.一直都覺得西方人比較東方人更懂得生活.我想事實也相差不遠吧!回想自己和他差不多年紀時,已經為著一個幾毫日夜奔波.好幾年也沒去過一次旅行(其實係因為無人陪…哈哈).可能我會比他多點儲蓄(如果他不是有錢佬的仔),但他的生活一定比我豐富和寫意.做浪子喎,毎次離開時,都有美女追住架火車,巴士叫你,諗起都開心啦!(哈哈哈…白日夢中).
西方的旅行家,多數在discovery channel 出現,同你吹各地風土人情.平日係七仔同人做o下兼職.有錢時攞住杯紅酒,無錢時攞住杯利賓納,大叫quality of life, yeah…真係幾棧鬼.
東方的旅行家,多數在金庸或古龍的小說出現,平日主力英雄救美,行俠仗義.可能收入唔穏定(因為英雄救美,行俠仗義都係義務工作啦,一陣英雄救美之後,仲要負責個美人o既起居飲食,真係都幾傷o下,做o左大俠,又唔可以做兼職,有失身份.).所以都錬得一身好輕功,已省一點車馬費.同食完飯,無錢比個陣…呵呵呵.
雖然東西的旅行家有很多不同,但有一樣相似,他們對追求物質興趣都不大.他們的物質生活都不是很豐富,但他們很快樂.一支公有一個朋友,没有正職,只做o下freelance.得閒和女友探訪中國名山大川.做一對現代的神鵰俠侣.雖然是辛苦團,但他們樂在其中.
或者他們比還著為金錢苦幹的一支公更明白點樣過活,先叫不枉此生,更明白物質金錢不是快樂生活的必需品.或者一支公也應該停下來想想,以後怎樣去過剩下來的日子.
不知是什麼日子,今天竟然遇上兩位傳說中的型男.
早上上班時間,遇上型男一號,結實的身形,白色半透明的恤衫,內裏的肌肉若穏若現.貼身的黑色西褲,加上殺手專用黃色透明眼鏡.就已這一身做型都已經可以橫行成個車站.但這些都唔重要,真正的型.他用的行為實實在在的演繹出來.他走到入閘機停下來,然後一躍而起,一招飛”羅”DO八達通.其氣勢逼得四週的人慌忙走避.但可惜,型唔代表掂,無情的入閘機,無視他的型,都係無乜反應.一飛,再飛,都係唔得.但他没有放棄,結果第三下,隨著DO的一聲,他飄然落地,口角再掛上自信的微笑,步向月台.
但型不是恤衫西褲友的專利,午飯時,一支公又上型男二號,一身春田花花校長的身形,赤著上身,加上一條短打,左手托著一舊燒肉.神態自諾地在鬧市中穿梭,在他眼中,他托著的不是一舊燒肉,是一杯馬天尼.身上的不是短打,是踢死兔.他吸引著四週師奶眼光(或者吸引的是他手上的燒肉).但他還是懶理著旁人,繼續大步大步走向他的目的地.
他們各自演繹自己心中的型,他們不需要別人的認同,好明顯都唔多理別人的感受.但他們都流露一份自信.或者他們想告訴大家自信就是型.你又覺得什麼先係型呢?
繼電腦發完脾氣後,家中的雪櫃又唔知做乜,壞壞地,將一支公心愛的雪糕溶晒(本來諗往辛苦完食的…><...),其他的(冰呀,老媽子的舊餸.)又沒事喎.真係,真係唔知講乜好.回公司諗住問o下同事仔們,有無辨法啦.初初佢地都好熱心諗o下點解,但後來當佢地聽到部雪櫃用o左二十幾年後,都異口同聲話:[買過部啦,你比佢好好咁去啦...]
回心一想,部雪櫃其實真係用o左好耐,佢係一支公人生中用過o既第二部雪櫃,都係時侯囉.所以近日都去電器舖睇o下,問o下同事用緊邊個牌子,好唔好用.做晒research.仲有同事話佢有工作証有九折添.真係萬事駒備,只等星期尾同家人一同去買.
點知,個雪櫃好似知道自己命仔不保,今日突然回復正常,好似乜事都無發生過(除o左溶o左o既雪糕,救唔番外).既然係咁,為o左環保,為o左省錢,一支公都只好當乜事都無發生過,同自己講:[咩呀!幾時有買過雪糕呀.(笑)].不過,都幾開心o既,對o左佢咁耐,點都有D感情,知道要掉o左佢果時都幾心痛嫁.人地話:人老精,鬼老靈.原來雪櫃都係一樣.對o左佢二十幾年,一支公今日先知佢原來咁古惑.
上星期,收工後,一支公在地鐵月台上等車.
[KAKA…]一把響亮,清脆,動聽的笑聲忽然從近處傳來.
回頭一望,見到一個幾歲大的小朋友,剛從媽媽手上接過了一架玩具警車,按了一個開關,警車咇bo咇bo的響,小朋友就天真可愛地望著毌親KAKA的笑.就好似得到世上最珍貴的寶物一樣.
原來開心可以好簡單,當我們還有一份純真的心.
經過無數次補救,絕招盡出,電腦小姐都係果句:[係唔比你開機上網呀,吹咩!],一支公同電腦小姐,始終難復當年情.一支公唯有忍痛重新裝過部腦,同電腦小姐暫時分手.無辦法,如果mocasting 同電腦小姐中選一個,對一支公來講,要同mocasting 斷絕關係,不如同電腦小姐來個了斷.
陪上一天的假期,重新裝過所有野,一切回復正常.雖然還有許多野要follow up.總算可以用住先,繼續上網,繼續Blog.因為新system沒有太多的東西,還比以前快D呢.
但最後還是留住個舊system,希望一天可以再同電腦小姐復合啦(在一支公愛上新system 之前,哈哈…).
(0)