一支公小記 @.@

毎次賣旗日,一支公通常會幫襯一o下.因為很喜歡這種隨緣,不刻意做善事的感覺,想買的我,偶遇想賣的妳.大家心意相通,一拍即合(就好似姣婆遇著脂粉客
一樣咁夾).然後我一句:[唔該],妳一句:[多謝].大家又忙各自的事,妳繼續賣旗,我繼續趕路(死!九點半,又遲到!).没有眷戀,没有幻想(又唔係
抽奬).買旗,教人瀟灑!

如果見到下一個街口,又有靚女賣旗,可以好瀟灑咁將剛剛買的掉去,所費無幾的延續剛才那份浪漫(如果你唔趕時間的話).買旗,叫人快樂!

其實同男仔定女仔買,一支公心一直想無乜所謂,但一對腳總有自己的想法,毎次都好似朗拿度上身咁,輕輕地繞過所有麻甩佬,直到美少女面前買.可能受到過去
經歷影響吧.記得有次同一位男仕買旗,突然心口一痛,原來那位男仕怕旗丟去,所以運起一陽指(仲要係十成功力)狠狠地將旗釘在我身上,嘩!如果唔係要保往
男人o既尊嚴,一支公真想大叫出來.其實賣旗只需輕輕貼在肩上已經可以好穏陣(係唔需要用到一陽指的).正常情況係唔會丟下.(除非係下一個街口,一支公
又見到美少女賣緊旗.)如果閣下已經苦鍊多年,不用不快,也是可以的(一支公一向就得人…嘻嘻),但也請你預先通知一聲,好讓一支公也運起九陽神功,
護一謢心脈(因為買旗而被震傷,一支公會覺得好唔底.).

但天意總喜歡作弄人,當你運起神功謢體,以為萬無一失果陣,你就會遇到另一種人,令你不知所措.又有一次,當一支公剛剛入o左錢落錢袋後,抬頭一望,眼前一位中年男人,手
攞往張旗,用佢充滿期待o既眼神同我講:[唔該,自己攞啦.],當時一支公呆了一陣,因為用眼神同麻甩佬溝通唔係一支公強項,需要一點時間先明佢講乜.
當時一支公左手攞住個公事包,右手拿個銀包.那裏來第三隻手來攞?結果,一支公好狠狽咁怱怱收起九陽神功同埋個銀包.接過佢手上支旗,快步離開.可能佢怕
一支公會因為佢為一支公貼上那支旗而愛上佢啦.放心吧,呢D野係現實世界同一支公o既內心世界,係百份之二百唔會發生的.一支公一生只愛靚女,對麻甩佬,只可
以講對唔住.you are not my cup of tea.為o左避免以上事件再次發生,一支公決定相信自己身體,任那雙腿自己選擇買旗對象.買旗,令人尋回
自我!

除了幫襯靚女外,一支公見到D兩,三歲o既細路仔幫父母一齊賣,都會主動走上前幫襯,因為通常小朋友,除了送上果支旗外,都會奉送一個天真o既笑容.偶爾,想得這些天使的笑面,也夠樂一個早上.

下一個賣旗日,大家都不妨考慮做一些教人瀟灑,叫人快樂,尋回自我又幫到人o既事吧.

前日同事lunch後買一包積及橙味朱古力餅回來.不幸被一支公發現,嘿嘿…結果當然唔使講.

一咬之下,雖然味道和已前差少少,但已經將很久已前回憶,call番晒返黎.記得一支公仲係細路仔果陣.新年D賀年糖果中,積及金磚一直都係一支公至愛中
o既至愛,什麼瑞士糖,吉百利全部行開.毎次撕開包裝紙,[咦!].見到淡黃色盒面,橙色的盒身,加上盒面上的大橙.筆者就會裂口而笑.一開個盒,就見到
在紅色的膠兜上,一條金黃色的磚向我招手.折開金色的包裝紙,然後一口咬落去,包住餅乾的朱古力當然不俗,但加上裏面的橙味梜心餅後.就足夠令一班幾歲至
十幾歲的細路瘋狂.不消幾分鐘,成個金庫就比我地成班表兄弟姊妹掏空.

直到現在,個種味道同毎個嘴唇沾滿朱古力o既笑容,一支公還是好珍惜地留在腦海裏面.現在已經很難買積及金磚了,新年也收不到,成日都係金沙,好悶啊!為何好的東西總是一點一滴的悄悄溜走.

一支公一向對衣著品味都好獨到,早在讀U年代,就已一身電車男Look(未變身前).嚇親唔少女同學.唉…難怪姻緣咁落泊.

畢業
後,一直都未見有突破.最得意之作,就係將人他著櫥窗公仔著住果件,成套咁買晒.之後,絕少再去果間鋪頭,費事D人意為個櫥窗公仔做乜會通街走.嚇親街坊
啦.前幾日,陪朋友買衫,因為遲D要見工,想買條tie.係云云靚tie選了一條,問朋友意見.朋友靜了一陣:[唔…嗯…嗯…你D品味,有D
問題.].從那天起,一支公嬲o左買衫.

實其買衫真係好煩.錢花了,心機也花了.但效果總是教人失望.但如果可以同靚靚女友一齊買,比o下意見,又或者我唔買,陪佢買,見佢著住件靚衫,係我面前轉一個圈,然後輕聲問一句:[靚唔靚?].咁樣買衫,也是一樂.

連寫blog,都脫期,真對不起.唉…無奈世事繁瑣,俗務擾人.都係唔講太多…

回到上文題要 : 正當一支公 and friends 失去目標,驚惶失措之際,收到OT朋友的愉快來電.

大家除o左不知所措之外.仲加上幾分D燥.大家萬無目的之下,沿著彌敦道行o下,行o下.一支公忽然記得附近有間北京酒樓幾出名食京菜.就提議大家不如試o
下啦.於是就上去碰碰運氣.頭頭本來要搭枱的,但因為我們要涮羊肉,又幸運地又人走.所以我地就可以佔晒成張枱喇.lucky!!

我
們點涮羊肉,唔係因為唔想搭枱.係因為這裏食涮羊肉比較特別.它用的爐,唔係普通的石油氣或電磁爐,係最傳統的炭爐.用炭爐的好處,因為炭爐是由爐中心的
炭發熱(見圖).熱力較平均,同唔怕燶晒係個底度.香港仲用這傳統炭爐已經唔多.難怪得伙記都好自豪咁話:[呢D爐,第二度都好難見到.].涮羊肉原有一
樣野唔可以唔講就係”混醬”.伙記一開始會攞九樣醬料比你自己撈.大概有麻醬,麻油,魚露,南乳,雪菜,沙糖,等等(哈哈…唔記得咁多囉).都幾好
玩.(一支公trips,麻醬,麻油多D,其他隨意少少.唔好樣樣都落咁鬼多.否則你撈完對住自己o既”桀作”,係咁叫”混將”,”混將”都無人幫到你.

本來想叫半斤羊肉試o下的,但伙記大叫一聲:[男子漢,起碼叫一斤啦!].(嘩,男子漢都出埋!).為o左保住男子漢o既尊嚴,亳不猶豫回應一聲:
[好…就一斤羊肉,比多牒菜添].即時發覺自己man
o左,鬚根都長埋.其實涮羊肉唔同打邊爐.雖然大家都係烚o下,烚o下.除o左”混醬”外,涮羊肉最主要的料,都是羊,牛,雞,猪,魚,菜.無D乜丸,乜
腸D花巧野,比較樸素.但這裏的羊肉,真係唔錯,一D都唔騒.加埋自已砲製的”混醬”.一個字…掂.一班男子漢仲order
o左個水餃,二十蚊十隻,朋友話似小龍飽多D,但都唔錯.最後店子都送上各人一隻高力豆沙.算為大家打上一個完美o既句號啦.

難得成了男子漢,點可以比佢停.見又唔乜野搞.就由佐敦,行到油麻地鵝記糖水食糖水(更係食糖水啦,唔通黎飲廿四味咩.)記得上次來個陣,成碗咋渣(佢成
名之作)都係豆,幾正.今次黎,豆o既份量少o左D.但都算ok啦.總體來說,不過不失.食完糖水後,各位男子漢,又各自踏上自己人生o既道路喇.(簡單
D講就係散水…)

香港真係一處好幸福o既地方.有西方o既節日,又有中國傳統o既節日.總之有節日大家就可以開心係一齊興祝一番.

已前讀書果陣,比較
喜歡西方的,因為可以有長假同有藉口約o下朋友出黎玩o下.但人越大朋友越少(哈哈…),同約朋友唔使等節日.現在反且喜歡中國傳統o既節日.可能發
覺同家人一起食飯的機會唔多啦,尤其是一些長輩,(可能因為有一些很疼愛一支公的長輩已經不在啦),一支公更加珍惜同長輩(還健在果D,這篇唔係鬼古!)
食飯o既機會.現在過節通常會推晒所有朋友,留番比佢地.

原來人大o左,除o左對女仔,食物口味會變之外,對節日口味都會變嫁喎…哈哈…

天寒地凍,令筆者想上兩個星期….

[有無搞錯!!兩星期前o既野,今日先寫,你個懶精!!好明顯今日諗唔到寫乜啦…] <-憤怒的網友.

[哈哈….(^^)\] <-被踢爆的一支公

算
啦,D衰野唔好講住.時間回到上兩個星期,本來約好和朋友們一齊試大家樂o既芝士火鍋的.點知有一位朋友無o拿o拿要OT.結果大家呆呆的等了一個鐘頭,當大
家有o左共識(一齊唔鬼理佢),自己食的時候.就見到一個殘酷o既事,大家樂果位可愛o既審審,將售罄的牌,恨恨的貼上大家心儀o既芝士火鍋上面.當時,一支公
and friends /(*o*)\ 立即驚惶失措,想阻止又來不及.當大家失去目標的時候.電話響起.

[哈哈…我走得啦…你地係邊呀,等理我啦!]電話裏傳來OT朋友喜悅o既聲音.

係聽完呢個電話之後…

 (咦…夠鐘訓…明天再續…)

[嘩… 仲有無天理!!…咁都分兩集…cheap精!!]網友繼續憤怒

[Zzzz….. (~.~)] <-又懶又cheap的一支公

原文 — 趣兒 — 2005-12-20 13:18:10

前
文提到算命，當算命先生提到以前發生的事，我覺得很神奇，難道有些事情真的冥冥中有主宰嗎？如果在發生那些事之前，我也曾去過算命，有可能避過之前的劫
嗎？而算命先生又會否告訴我將會發生的劫數呢？無論如何，那都是過去式，很幸運地，我的性格雖然不算十二分樂觀，但很看得開，尤其對已發生的事，「後悔」
從沒有在我的字典裡出現過，即使間中往後看，也不悔。人生的每一個經歷，都是助我們面對前面的障礙，不論經歷是開心不開心，都是一種得著。一張由生產至被
棄置的白紙，如果到堆填區時仍只是一張空白的紙，它的生存便全無價值了！13:22:03

有一個人死後,在天堂上遇到位天使.便怒氣沖沖地抓著衪道:

[天使,我認得你,你同我講過我會係一個身家千萬o既富豪,仲娶得一位貎美如花的妻子.點解我死時身無分文,還孤苦伶仃.]

天使淡淡的道:[你還記得嗎?年輕時你想到一個很好的賺錢方法,但你怕失敗,最後都無實行,後來有人想到同你一樣方法,還賺了不少金錢,成了一代富豪.還有
當時你識了一位年輕貎美的女子,其實人家一早芳心暗許,只等你行動.但結果因為你怕輸,怕瘀.最終那位女子以為你另有所好,結果另嫁他人.]

那個人聽完之後,鬆了手,再没有說話,只是跪在地上,呆呆的讓眼淚如雨般落下.

一支公毎一次想放棄做某一些事的時侯,都會想起這個故事.

人生的每一個經歷，都是自己行出來的,不論經歷是開心不開心，都是一種得著。一支公好同意作者所講:一張由生產至被棄置的白紙，如果到堆填區時仍只是一張空白的紙，它的生存便全無價值了！

人生最令人「後悔」的,唔係犯什麼”過錯”(當然唔係壞事同傻事啦…). 而係”錯過”一些值得你去珍惜o既人同機會.機會還可能再來,但錯過一個值得珍惜o既人,卻是一輩子的後悔.