一支公小記 @.@

係好耐,好耐以前,有一個小公主寄託在一支公的家.大大的眼睛,尖尖的瓜子臉,白白的膚色.真像童話故事中的女主角(如果肯乖乖坐著的話).可惜,絕大部分時間,她比較喜歡做一隻甩繩馬騮.東跳西躍,大床,沙發全是她的兒童樂園.

 

要令馬騮變回公主的魔法,就是雞蛋仔.毎次見到雞蛋仔,公主就會現出甜甜的微笑.令你無可反抗地將貢品奉上.當然,魔法用完(雞蛋仔食晒)時,公主又會變回馬騮.令你哭笑不得.記得,當時雞蛋仔還是街頭小食,所謂街頭小食,就是要係某個街頭的小販先有得賣,還是用碳爐燒的(真係好食D嫁).唔似得今日成行成市.但為有時博公主一笑,放學後的一支公也會跑個老遠買回來.回到家中,小公主聞到香噴噴,同見到一支公手中的黃色紙袋.就會笑笑口用D不係太正的廣東話問:[乜來嫁?].總管一支公無情的答[無呀!],但最後還是讓她得程.

 

雖然公主有時有公主皮氣(比小姐皮氣還高一級),但相處的日子裏,總帶比一支公一家歡樂.有時公主會用係幼稚園學的英文同你打朝呼,到現一支公還記得佢果句:[May I go to toilet?].^^!

 

後來,她一家移民到外國,輾轉又到另一個地方居住.現在已經很少見面.但每次見到雞蛋仔,也會記起當年的小公主呢.

 

時間真是很快,以前的那個頑皮小公主,轉眼間已經上了大學,還拍了拖,真係做了某男生心裏的公主.祝褔她像童話主角一樣,以後過住D幸褔快樂o既生活啦. 

那裏,你渴望OT多一陣（公司一定唔係）.

那裏,有期待你回來的人(老闆唔算 :p).

那裏,就是你的家.

今天,公司裏最最最親密的戰友,興高采烈的告訴一支公,找到一份很好的工作.說真的,無論待遇,前途都比現在的好十萬八千倍.知道這位好友有著燦爛的將來.看著他高興興奮樣子,一支公也很開心呢.

 

回想一起並肩作戰的日子,有事互撐的歲月.有這位可以心有靈犀,心照不宣的戰友,是一份運氣.明白到有些運氣總有用完的一日,想起一句很老土但又很對的說話.

 

變幻才是永恒

 

就算自己不變,也阻不了四週的變遷.只有用平常心去面對.也許正如戰友所說,要積極點想,這可能是要一支公下定決心的啟示呢.

 

一支公,也到該走的時候了.

 

戰場中一句最熱血的對白:[老朋友,安心吧!你先走一步,我好快來陪你.]

戰友抗議道:[我…我未死啊!]

 

希望這位戰友的未來光明到可以照住小弟啦.

多謝你帶給我們半個世紀的回憶.

 

 http://fotologue.jp/ariesng#/1726951/1727314

為了騰出空間放置即將來臨的新玩具(係乜?嘿嘿…),今日用上半天時間,在家小掃除.毎次執拾,都像將自己過去的影像,重新執拾一次.今次執了很多出來工作以來,留下的東西.有以前出差買的數碼相機(一百五十萬像素,嘩嘩嘩…實力直迫我上一部的手機,當年機皇,唉…歲月不饒人.),同事送的羽毛球袋(真慚愧,收了個袋後,已經金盆洗手,未用過.)和毛公仔(???!!!,點解!點解係毛公仔!死,真係唔記得o左!算啦,都幾得意.).意外驚喜是發現一疊(係一大疊)已經遺忘了的郵票,記得初初出來工作的一兩年,還有集郵的習慣.唔覺唔覺都有十年了.唔知現在值多少,夠唔夠比首期呢(發夢中).

 

執拾時,惱海不停閃出毎份工作的片段.有過收入豐厚的黃金時代,也有過差D沒錢交稅的苦日子.試過創業,亦試過失業.由大起大落的從前,回歸到平平淡淡的現在.未來又會如何呢?

 

回首過去,百感交集.但毎次執拾最深刻的感覺還是…

(閱讀全文)

很喜歡日出,因為它總給人希望和朝氣的感覺.

此刻的你無論是充滿期盼,或是有點失意.

提起精神啊!

祝褔你明天又有一個美好的開始.

前日,一支公做一個壞孩子應該做的事 - 走堂.自己一支公去o左睇黃子華的棟篤笑(壞孩子o既路果然係孤獨o既).

一支公一直係子華兄的fan,家中珍藏他一套棟篤笑的VCD.得閒總愛攞番出來重温,培養一o下個人品味.之前聽過睇o左的朋友說不錯,一早已經心癢癢.加上公司離佢表演場地超近(行都唔使三個字).衝動的一支公當然係受不住誘惑啦.

當你還可以用錢,買到快樂時,應該毫猶豫地將它買下來.因為你慢慢發覺這些東西會越來越少.以前錢買到TV game,就可以樂一陣子,但對TV game 漸漸失去興趣的一支公來說,這方法越來越不行了.當然,錢更加買唔到愛情,買唔到妳番黎我身邊(如果可以的話,一支公走去揾”安信兄弟”唱o下情與義又有乜所謂).所以,唔係好多快樂可以用錢買到,當你幸褔地遇到的話,好應該買下來.及時行樂,係某個角度來說,都係好o岩o既道理.呵呵…有時候幫自己揾個籍口,都係好o岩o既.

好似講o左好遠咁,講返做回反叛青年的一支公,放o左工,當然背著書包,去麥當當買番個包啦.(正!同以前一樣,只係差了套校服.).跟住先好潚灑咁彈彈o下去睇show.

走到賣飛個counter 度.

[唔該,仲有無飛賣呀?]
[得番單人飛乍喎?]
[唉,比一張我啦,個位盡靚唔該.]帶著唏噓的一支公答.
[200蚊啦,多謝!]counter 阿伯帶著同情的微笑送上入場卷.

四周圍hey o左一陣,就入場,阿伯果然識做,個位雖然唔係正面,但都算十分近個台.臨時買的,都算不錯了.

子華兄出場了,一支公同其他fans 一樣,用最老友的方式歡迎他,掌聲和大十倍的噓聲.今次沒有用政治人物講笑.反而講盡社會的各種人生百態,由老細同打工仔講到男同女.內容仍然有趣,說話仍然抵死.加上子華兄鬼馬的表情同語氣.全場氣紛高漲,有時尖叫,有時大笑,有時講埋一份,吋o下佢,比佢吋番.大家輕輕鬆鬆,開開心心過了兩粒鐘.

今次雖然唔係佢最好的一次的棟篤笑,但對餓了很久的一支公來說,已經很滿足了.

以下是英文翻譯版


(閱讀全文)