當我們還未失去過時,我們很自然地認為它們的存在.是理所當然的.
父母的養育關愛.
情人的温柔體貼.
朋友的肝膽相照.
也許會對它們理所當然的存在,太冷漠,或者覺得還未足夠,應該有更多的理所當然.
它們當然會覺得難過,難過得想離開,最後理所當然地消失了.
等到它們消失後,我們又會理所當然地傷心起來.
但這份傷心,總理所當然地不只一次.
(0)如果下一世可以再輪迴做人(仲要係識中文的中國人).
如果下一世還可以上網.
如果下一世有緣再見到這一個小記
不知道會否為這個小記的主人所做的傻事,而發笑.
〔嘩,條友仔原來真係傻o既!〕估唔到要下世先知。
不知道會否為這個小記的主人沒有做的事，而感到遺憾。
〔咦．．．晒曬！〕
不知道會否覺得和這個小記的主人似曾相識仲有幾分相似添?
〔啋!無可能!〕
也許在看完成個小記後,會說:
〔車!都唔知寫乜,無聊!〕
也許會因為得不到回應而憤怒.
〔有無搞錯,都唔覆人o既,條友仔…要向mocasting投訴〕
也許還會想:
〔呢條友仔,唔知仲係唔係一支公呢,係的話,底死,嘿嘿…〕
然後連打十個噴嚏,跟住話
〔邊個咁衰,係度咒我!〕
嘻嘻,你好嗎?我的下一世.
五月某日半夜三更硬食兩個糉後飽個半死的一支公留字.
遊戲規則 (以下請copy)
1.
請先發文，寫出六項您認為的『部落格有啥了不起？』可以是現象、理由、影響、故事甚至只是一句話，搞笑、漫畫、照片、唱歌、跳舞，什麼形式都可以！
2. 寫完之後，請繼續點出六位blogger，到對方家留言通知，把題目繼續傳遞下去；被點中的blogger必須再點選六位blogger，如此論推…. ，記得，在你自己的文章最後，要宣告自己點選了哪六位幸運兒，並附上這六位的blog連結。
3. 最後，記得使用引用功能，把你的這篇文章，引用回當初點名你的人的那篇文章。
（一）抒發感受 是笑是喊,開心或唔開心,可寫出來,開心的更開心,傷感的可以得到舒.如果有友好回應安慰.更是治傷良葯.
（二）圓寫作夢 很多人喜歡寫作,blog 提供一平台給大家將自己的作品發放.以前只作家先有的機會,今日大家都有.
（三）改善表達能力 日子有功,寫blog
使人善表達能力在不知不覺間強起來.
（四）識朋友 雖然未必可以見到面,但純交心的,也是不錯.
（五）看見更多的世界 以前成日只係見到自己的世界,原來世界很大很多,而且七彩繽紛.
（六）學得留意生活 為了寫blog,
害怕無野寫, 要多點留意生活. 先發覺要珍惜毎一天,只要留意多D,生活原來很有味道.
對於一個已經放低支筆十幾年,識字唔多的一支公來說,有一個地方自己可以寫得過癮,人地睇得開心.已經好滿足.得到讀者回應更是不可奢想的bonus.所
以一支公唔會因為無人回應悶悶不樂,鬱鬱不歡.更不會因為這樣而放棄寫野.就好似追靚女一樣,可能任你出盡渾身解數,火圈跳盡,她都好似無乜反應.難度你
會放棄嗎?像色狠一樣的一支公一定不會.因為追求的過程已經十分有趣,所以一支公一定會用加倍o既誠意同真心打動佢,直到一日她同一支公講:[你好煩呀,
收手啦…唔係打鑊你.]或者一支公遇見另一個更靚的.好彩,仲未有人對一支公講:[你好煩呀,收筆啦…唔係打鑊你.](就算有,筆者都會第一時間,
deleteo左佢,嘿嘿!)
同追女仔一樣,寫作的過程都好有趣.
其實一篇好的文章,不一定有許多回應.例如,筆者見到一篇寫清晨時在東京街頭漫步的文章,寫得浪漫詩意.難度筆者用一篇早晨與阿婆阿公係屋企樓下公園晨運的文章做回應嗎?咁樣不但好搞笑,仲煞風景.
唔回應,並唔代表唔欣賞.
多人回應的文章,多數是寫一些容易引起共鳴的題材.例如
1.)寫一些有關食的文章,會得到許多好食的人(如一支公)共鳴.
2.)寫一些有關靚女的文章,會得到許多好色的人(如一支公)共鳴.
3.)寫一些有關美容的文章,會得到許多好美的人(如一支公的靚靚網友)共鳴.
4.)寫一些有關愛情的文章,會得到許多有情人(無一支公份,嗚嗚 …><...)共鳴.
當然自己寫的東西得到多人共鳴是一件開心的事,但不需要看得太重要.你又不是靠寫文章搵食的專欄作家.可以隨心舒發,分享自己覺得好的東西,是許多人鐘意寫網誌的原因.因為這樣寫作先有樂趣.
好,又係時候講番D正經野嘞.得唔得到其他人麻甩佬共鳴,who care !!.但靚女,妳知道嗎?幾時到妳的共鳴.卻是一件令一支公牽腸掛肚的大事啊!
| 1 | 2
