今天,公司裏最最最親密的戰友,興高采烈的告訴一支公,找到一份很好的工作.說真的,無論待遇,前途都比現在的好十萬八千倍.知道這位好友有著燦爛的將來.看著他高興興奮樣子,一支公也很開心呢.
回想一起並肩作戰的日子,有事互撐的歲月.有這位可以心有靈犀,心照不宣的戰友,是一份運氣.明白到有些運氣總有用完的一日,想起一句很老土但又很對的說話.
變幻才是永恒
就算自己不變,也阻不了四週的變遷.只有用平常心去面對.也許正如戰友所說,要積極點想,這可能是要一支公下定決心的啟示呢.
一支公,也到該走的時候了.
戰場中一句最熱血的對白:[老朋友,安心吧!你先走一步,我好快來陪你.]
戰友抗議道:[我…我未死啊!]
希望這位戰友的未來光明到可以照住小弟啦.
喜歡食的人,通常都很多朋友.一支公也算不例外啦^^.各種朋友都有一點,而且分別都很大.有些衣食無懮,錢好像從來都不是問題.像活在天堂中.但又有一些朋友毎天為生活奔波,為明天苦惱.一支公穿梭他們之間,就像一個凡人,飛不進天堂,也掉不落地獄.
最近正為工作上的事煩惱(繼續留在這崛頭路上,還是冒險的離開.),一直也找不到答案.當想留在這崛頭路靜待機會時(最多離開時付出昂貴代價),天堂的朋友會告訴你,又有一個條件差過你的人,找出份好工喇.出來博一博啦.但當有雄心壯志時,又會有朋友告訴你,某某又被炒.好像叫你安份一點,知足一點.就係咁,不斷重重複複.好折磨.一個渴望飛進天堂,又害怕掉落地獄的凡人.可以點做呢?此刻的一支公,沒有答案,只有迷惘.
以前讀書時代,通常同學和朋友基本上是同義詞.没有利用,暗前,同虛偽.只有互相玩弄,開玩笑.雖然一支公常常是被玩的一個.但這也換來不少童年回憶,也是值得慶幸.
初初出來工作也是單純的想同事等如朋友一樣.但可能閱歷多了(其實人老了),遇到很多的同事,睇到很多的利用,暗前,同虛偽.同事A在你面話同事B的不是,轉頭又向同事B數你的缺點.當你得竉時,同你扮老友,但又眼紅你的種種.公司裏總是充滿各種是是非非,恩恩怨怨.就没有一樣叫做朋友的東西,說真的,真是十分討厭.
漸漸同事再不等如朋友,一些人毎天同你食飯,你只會同佢嘻嘻哈哈,事後你會發覺說的都是可有可無或說了等如沒說的廢話.對於同事,一支公的自我防護功能會啟動,無乜事都係避免接近.
但當你運氣好的話,你總遇上一兩個,而你一定會知邊個可以係朋友,你會同朋友講家中或私人的事,總管是鎖碎事(如看了那套悶爆的電影,家中壞了那樣電器),閒話家常,就是沒有是非.感覺舒服.
今日寫這篇文,因為一支公得了一個可以叫得做朋友的同事,幫助解決了一些煩人的問題.十分感激.在這裏遇到這位朋友,真是幸運.
如果當你也有這種運氣的話,真的值得恭喜,恭喜.因為運氣唔係必然,和同事唔係必然係朋友一樣.
從過年之後,公司裡的工作一直對一支公窮追猛打,加上下班後又要讀書.忙忙碌碌地過了幾個月,說時慢,那時快,今日已經是五月,一年差不多過了一半.
在這幾個月裏,無乜時間好好寫BLOG,好好做公課,好好同朋友仔食飯(人地話同你慶祝生日,一支公都要話遲D先,唉,再咁落下,遲早無晒朋友).
好彩,這場惡夢終於在上星期結束.大部份工作總算完成,下星期開始,希望可以過番一D正常人o既生活啦.重新好好寫番D BLOG,好好做番D功課(欠o左幾個星期,唔知阿Sir仲肯唔肯改呢?!!!),好好還番D飯債(如果佢地仲肯請的話…><...).
Anyway,今日開始,願一切順利. 
今天見了一份朋友介紹的工,應該有點機會.這份工可以給一支公一個幾好的名份(在找下一份時,會很有幫助),人工都ok.但這份工要的技能是一支公比較弱的一項,像重新開始一樣,而且應該無人幫,好可能要一公當關.同interviewer 講明得一年約.出年又唔知乜世界.現在的工,有一群很好的同事(如果要走,最唔捨得佢地),但呢份一樣做唔長,個project 完o左,又要各散東西.加上毎日見到小人當道,得盡老細歡心.個個做到死,佢就可以早收工.一支公真係又憤怒又無奈.真係做到心淡.最悲就係走要賠錢.
唉,迷網o既一支公真係唔知點算…天!是否小人,衰人先有運行呢?
我 …
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
… 舒服晒!
今日一支公見人事顧問果陣,
佢問 :[你做乜野想轉工呀?]
一條見工必問o既問題,一條答o左無數次o既問題. 當然對住老闆一支公可以老作一大堆又大方又假o既答案,但對住自己呢?
見完顧問後,一支公在顧問附近的商場閒逛(其實係度發呆~.~),想諗一個真正o既答案.心中突然哼起李克勤一首歌,[想找個人,想被人抱,想找一張舒服
床舖.],如果女人想找一張舒服床舖的話,男人何嘗唔想找一張舒服床舖比自己心愛o既女人呢?但要做到,就要先找一份穏陣同有前途o既工作先.份工唔穏
陣,張床都唔穏陣得去邊,一陣跌親我心愛o既靚女點算!
忽然間…
[迷題終於解開o左!]被金田一上了身的一支公道.
但還是希望唔需要再答多呢條問題好多次啦!
(0)