一支公小記 @.@

已從開始寫Blog後,因為怕無題材(總唔能夠成日寫,日在照,花在笑,一支公呱呱叫..哈哈,引起網友恐慌.)所以開始習慣留意身邊o既事同人.希望可
以找一些事,小事化大,給大家分享o下.現今生活已經很逼人同緊張,所以一支公都係主力搵一D無黎正經同有趣的事(一個無黎正經的人,如一支公,通常易搵
D),正經o既這裏已經有高手代勞.日子耐o左,發覺身邊許多事(儘管是小事),都可以令人一笑,帶比你快樂, (儘管是簡單的).已下是一些例子.

1.)    大掃除時發現寶藏.如,錢或少年時的珍藏(可再細分為見得光同唔見光),呵呵,不便說明.
2.)    早上,見到有個BB對住你咪咪咀咁笑.
3.)    返工時,陽光普照,一切順利,唔使遲到,仲可以食完個暖笠笠早餐先返公司.
4.)    見到一個藐似成龍的美女,向某男仕單眼,將其嚇個半死.
5.)    寫BLOG時,得到靚女網友回應.
6.)    早上起來,發現自己輕o左一,兩磅.

還有,很多很多,你也想一些吧.

今日本來心情不佳,走進一間雪糕店,見到一個眼仔碌碌小妹妹,依在媽媽咋嬌.望見佢對個雪糕,兩眼發光,添着舌的樣子.一支公也不禁笑了.走出店子,抬頭望一望天上明月.人也輕了.

當你煩惱滿心,壓力爆燈,苦無出路時.也試試暫時放下所有煩惱壓力,細味生活中令你愉快的瑣碎事.讓生活帶你一點歡樂,讓你也對生命多一點眷戀.

今天又有一位友好同事辭職了.唔覺唔覺,一支公在這裏相熟的同事,已經有一大部份離去,新來的又好似唔係太係key,好難熟落,景物仍舊.人面全非的感覺唔係太好受.也許這是話比一支公聽我們的時代已經終結.但知道同事,有份比較好同有前途的工作,一支公也好高興.祝佢一路好景啦.我想也是時候努力了!

毎次賣旗日,一支公通常會幫襯一o下.因為很喜歡這種隨緣,不刻意做善事的感覺,想買的我,偶遇想賣的妳.大家心意相通,一拍即合(就好似姣婆遇著脂粉客
一樣咁夾).然後我一句:[唔該],妳一句:[多謝].大家又忙各自的事,妳繼續賣旗,我繼續趕路(死!九點半,又遲到!).没有眷戀,没有幻想(又唔係
抽奬).買旗,教人瀟灑!

如果見到下一個街口,又有靚女賣旗,可以好瀟灑咁將剛剛買的掉去,所費無幾的延續剛才那份浪漫(如果你唔趕時間的話).買旗,叫人快樂!

其實同男仔定女仔買,一支公心一直想無乜所謂,但一對腳總有自己的想法,毎次都好似朗拿度上身咁,輕輕地繞過所有麻甩佬,直到美少女面前買.可能受到過去
經歷影響吧.記得有次同一位男仕買旗,突然心口一痛,原來那位男仕怕旗丟去,所以運起一陽指(仲要係十成功力)狠狠地將旗釘在我身上,嘩!如果唔係要保往
男人o既尊嚴,一支公真想大叫出來.其實賣旗只需輕輕貼在肩上已經可以好穏陣(係唔需要用到一陽指的).正常情況係唔會丟下.(除非係下一個街口,一支公
又見到美少女賣緊旗.)如果閣下已經苦鍊多年,不用不快,也是可以的(一支公一向就得人…嘻嘻),但也請你預先通知一聲,好讓一支公也運起九陽神功,
護一謢心脈(因為買旗而被震傷,一支公會覺得好唔底.).

但天意總喜歡作弄人,當你運起神功謢體,以為萬無一失果陣,你就會遇到另一種人,令你不知所措.又有一次,當一支公剛剛入o左錢落錢袋後,抬頭一望,眼前一位中年男人,手
攞往張旗,用佢充滿期待o既眼神同我講:[唔該,自己攞啦.],當時一支公呆了一陣,因為用眼神同麻甩佬溝通唔係一支公強項,需要一點時間先明佢講乜.
當時一支公左手攞住個公事包,右手拿個銀包.那裏來第三隻手來攞?結果,一支公好狠狽咁怱怱收起九陽神功同埋個銀包.接過佢手上支旗,快步離開.可能佢怕
一支公會因為佢為一支公貼上那支旗而愛上佢啦.放心吧,呢D野係現實世界同一支公o既內心世界,係百份之二百唔會發生的.一支公一生只愛靚女,對麻甩佬,只可
以講對唔住.you are not my cup of tea.為o左避免以上事件再次發生,一支公決定相信自己身體,任那雙腿自己選擇買旗對象.買旗,令人尋回
自我!

除了幫襯靚女外,一支公見到D兩,三歲o既細路仔幫父母一齊賣,都會主動走上前幫襯,因為通常小朋友,除了送上果支旗外,都會奉送一個天真o既笑容.偶爾,想得這些天使的笑面,也夠樂一個早上.

下一個賣旗日,大家都不妨考慮做一些教人瀟灑,叫人快樂,尋回自我又幫到人o既事吧.

今日見到老友記童顏王子有隻blog寵物幾得意,自己即刻養番隻.

燈
燈燈燈…各位網友,呢隻就係小G嘞(在網頁底度),佢會週圍飛(註:只係係日本),你可以叫佢飛遠飛近,見到靚風景仲會影底比你添.係唔係好餞鬼呢?!一支公選o左
朔太朗同阿紀(唔知係邊個?星期一晚9:30睇明珠台啦!)相識o既地方做起點.因為一支公真係好鐘意佢地個故仔,雖然簡單純樸,但真係好窩心淒美.

大家有興趣,不妨養番隻.唔鐘意雀仔,仲有隻”男人老狗”(not my cup of tea)比你選.不過得閒記得要喂o下佢喎.

網址 : http://www.sasurai.com

痴心妹(憤怒地):[受不了,我要離開!]

花fit仔(認真地):[好,我地去一無人識得我地o既地方.]

痴心妹(冧晒地):[咁我地去邊度呀?等我返去執D野.]

花fit仔:[唔使啦,我諗過多兩個地鐵站就無人識得我地嫁嘞.] 

痴心妹:[…] 

當妳覺得孤單寂寞,請妳看看天上萬千星星含情的向妳單起眼睛,也順便想一想我.

當妳慨嘆人情冷暖,請妳試試讓冬天的太陽熱情的向妳投懷送抱,也順便想一想我.

當妳感到落幕失意,請妳看看窗外雨點正為討妳歡喜而翩翩起舞,也順便想一想我.

因為在某一個孤單寂寞,心思煩亂,落幕失意的晚上,一支公在想妳. 

她與她已前的他說,希望從新開始.他給了一個這樣的答案 .

[毎一個運動員都想贏,所以毎次都會盡全力跑完全程.只有用盡全力跑到終站o既人,先可以係下次比賽贏.我同你已經結束了,我盡全力去愛過你,已經沒有遺憾,最好的已經在我心裏.現在我心裏只有她,為了沒有遺憾,我都盡我最大能力去愛她,對不起…]

這是某一個日劇的片段,筆者看了,忽然有一個想法,一個好玩的電視遊戲,你全盡力打爆機之後,你永遠都會記得呢隻game好玩,點樣好玩,但當你要再玩多
一次o既時候,就會發覺同你記憶點都有一段距離呢.愛情呢個game都有D似,因為毎個人同另一半拍拖個陣,都係唔會諗住追兩次卦(咁,搞野)?所以會攞最好,
最正o既出晒來.直至走到終點.終點可以係分手或白頭到老.之後,最好,最正的,都會留係大家心裏面.但如果要大家再從頭再走多轉的話,這段愛情,多數都
只會次一級.當你再見到他／她在公司樓下等你，送花，沙灘漫步時，你還會有第一次時的興奮和震撼嗎？但者你還會因為他／她還願意為你做這些事，且感到慶幸．但相信這是另種感覺吧。

所以,朋友，珍惜眼前人,因為同一人,最正o既愛情遊戲,只可以玩一次.