一支公小記 @.@

為了同個肚腩say goodbye,一支公重金買了它.

想不到轉眼間它就成家中的新竉兒.

老媽子,最愛用它捶背,按摩…毎次無一粒鐘都唔放手…

細妹,成日搵佢修大肶.

連被愛情潤得太厲害而開始發褔的細佬,都要搵佢救亡. 

呀… 

今日由朝到晚收到很多朋友祝褔,當然包括網上親愛的你地啦.今年一支公有很多很多願望,有了你們的祝褔,一支公現在信心爆棚,相信一定可以做到.

真心謝謝毎個祝褔過一支公的你/妳,你們的心意,一支公萬分感激,也願你們生活愉快.

少年時,只有買兩串咖喱魚旦o既budget,想追女仔?就不得不花點心思,所以當年少年時,求學時的追女瘋狂事跡,當個毎個嘛甩佬默言回首,回看前塵時,都會不禁會大叫:[嘩,果個咁無台型o既唔係我來的,邊有咁衰仔呀…等等…]但又邊講邊笑…嘿嘿…唔係你,搵鬼信.

近日一支公春情大發,成日諗起上當年點,係呢一剎那,要爆嘞.

記得一支公初初想追第一個女仔時,為o左想佢嗒糖o既感覺,所以成日都必備包糖係身,一見到佢時,就請佢食.因為又怕比D猪朋狗友話重色輕友,所以又另備一包封住佢地把口.原本以為萬無一失,點知班友仔又食又唱.唉,真係情義兩難全.

[咁早呀,妳!]
[早晨呀,小姐!]等佢回應:[早晨!]時,補多句:[小姐有禮.]
[Good morning ….]
[おはよう…]
還有,很多…很多…
為o左等心愛的她對一支公有點印像,毎天早上都想好不同打朝呼方法,等”偶遇”時同佢講.成個月日日唔同款,勁過老麥.

為了可以霸到她鄰近的”好位”,毎日唔夠七點就回到學校,等圖書館開門.比現在做乜都遲到的一支公,那時的可愛好多.

毎天等她放學一起走路回家,明明相反方向,都要話順路.等完成務後,因為腳仔軟,要搭巴士回程.
 
還記得一次,為o 左再見到她,畢o左業都回到學校玩歌唱比賽,係百幾人面前清唱.當時總算明白,乜野叫到色膽包天.

毎個唔同的她,毎段唔同的情.在唔同的時間無聲無聲的消失.只有留下這些回憶.現在想起,當時也許真的有點傻,但也慶幸曾經傻過.

今晚因為熱水爐壞了,一支公結果沖了今年第一次的凍水涼.

嘩…好鬼凍呀!!好似冰水一樣…初初真係有想跳舞的感覺,四肢不受控制的手舞足動.好彩四處無人,唔係一定嚇親人.

又剛剛打完邊爐,成身猪骨湯底味,焗往要沖乾淨D,結果一支公係個沖涼房度,又跳又叫又笑咁搞o左成半個鐘.

但沖完之後,一種清涼感覺由內移外,再移返內,覺得成個人爽晒.一陣微風吹來,嘩…正…好過開冷氣.就這樣舒舒服服的睡了一夜.

其實有時生活遇到難題,就好似沖凍水涼咁,捱過最因難的時間後,美滿的收獲就在後面.成功與否,在乎你有無決心衝過這段時間.

如果你唔明一支公講乜,也來沖個凍水涼吧!

親愛的牛油先生,為什麼原本沒有什麼味道的你,加在平平無奇的麵包上,都會令她變得這麼野味同好味.

親愛的錬奶小姐,為什麼妳總是甜甜蜜蜜,一支公的心總係比你痴到實.

你倆都是同出一處,為何卻可以各有各性格,各自各精彩,但再走在起時,又可配合得天依無絳,簡直是天作之合.

就算加上熱烘烘,脆博博的猪仔包這個第三者,這段關係都只會係更美味.

親愛的奶油猪,你知道嗎?你和香滑奶茶,都是讓毎天比工作壓得要死的一支公,得到快樂和安慰的泉源.

在這一刻,一支公再忍唔往,真係要大叫一聲:[奶油猪,真…真係多多謝你呀,你真係好好味呀…..]

某飯店內.

待應:今日的猪什好靚喎,不如叫個芥蘭抄猪什好唔好?

食客:唔…都係唔好囉,剩芥蘭得啦.

待應:呢度D芥蘭炒猪什好出名嫁喎,真係唔試o下?

食客:唔好嘞,抄芥蘭得嘞.

待應:唔…咁,蒜茸定僵汁炒?

食客:蒜茸啦.

待應(急然醒起):呀…芥蘭賣晒!不如菜心炒猪什啦…

食客(苦笑):…

當你用o左成個星期諗下次見面講D乜,但當真係見到時,只係識講:[嘻…嘻,呀…呀,哩…哩]同傻笑時.
當你情願第二日通頂OT,也要爭取和她同行的幾分鐘時.
當你覺得失業等如失去追她的資格,而苦苦撐住一份已經死心的工作時.
當你會因為擔心她已經有心上人,而感到忐忑不安時.
當你以為心如似水的心,因為她而再次悸動時.
當你終於發覺自己原來只係一個平凡電車男,而並唔係什麼情場高手時.
那麼這份初初喜歡一個人的感覺,請好好記下.
因為無論這段感情能否開花結果,這份感覺都是十分的棒.