有一種朋友,你未必會成日見面,
但總覺像昨日才一起吃過飯一樣親近.
你未必會成日想起佢,
但你知道你一生都不會忘記佢.
有時候,佢搵你食飯,
只要唔使轉幾次飛機,你總會爽快應約.
佢有事要你幫忙,
只要唔係負湯蹈火,你都總會爽快答應.
可能,你同佢,都會有自己的另一半.
當然,你唔會介紹佢比你的另一半認識,
因為你知道這樣你和你另一半會後果嚴重,(想死咩)
或者因為你更知道你同佢不會有什麼結果.(無謂啦)
同另一半講你地無野,好似呃緊佢.
同自己講你地有野,好似呃緊自己.
有時候,你們仲會一起行街,睇戲,食飯.
但唔會拖手,親咀,或其他…
你對佢已經再沒有衝動,或者非份之想.
但你還是喜歡待佢好,比一般朋友的好,但總及不上情人.
佢可能是你已經分手的情人,或者是表白失敗的暗戀對象.
而這一種朋友,毎個男生一生總有幾個.
一支公一直係子華兄的fan,家中珍藏他一套棟篤笑的VCD.得閒總愛攞番出來重温,培養一o下個人品味.之前聽過睇o左的朋友說不錯,一早已經心癢癢.加上公司離佢表演場地超近(行都唔使三個字).衝動的一支公當然係受不住誘惑啦.
當你還可以用錢,買到快樂時,應該毫猶豫地將它買下來.因為你慢慢發覺這些東西會越來越少.以前錢買到TV game,就可以樂一陣子,但對TV game 漸漸失去興趣的一支公來說,這方法越來越不行了.當然,錢更加買唔到愛情,買唔到妳番黎我身邊(如果可以的話,一支公走去揾”安信兄弟”唱o下情與義又有乜所謂).所以,唔係好多快樂可以用錢買到,當你幸褔地遇到的話,好應該買下來.及時行樂,係某個角度來說,都係好o岩o既道理.呵呵…有時候幫自己揾個籍口,都係好o岩o既.
好似講o左好遠咁,講返做回反叛青年的一支公,放o左工,當然背著書包,去麥當當買番個包啦.(正!同以前一樣,只係差了套校服.).跟住先好潚灑咁彈彈o下去睇show.
走到賣飛個counter 度.
[唔該,仲有無飛賣呀?]
[得番單人飛乍喎?]
[唉,比一張我啦,個位盡靚唔該.]帶著唏噓的一支公答.
[200蚊啦,多謝!]counter 阿伯帶著同情的微笑送上入場卷.
四周圍hey o左一陣,就入場,阿伯果然識做,個位雖然唔係正面,但都算十分近個台.臨時買的,都算不錯了.
子華兄出場了,一支公同其他fans 一樣,用最老友的方式歡迎他,掌聲和大十倍的噓聲.今次沒有用政治人物講笑.反而講盡社會的各種人生百態,由老細同打工仔講到男同女.內容仍然有趣,說話仍然抵死.加上子華兄鬼馬的表情同語氣.全場氣紛高漲,有時尖叫,有時大笑,有時講埋一份,吋o下佢,比佢吋番.大家輕輕鬆鬆,開開心心過了兩粒鐘.
今次雖然唔係佢最好的一次的棟篤笑,但對餓了很久的一支公來說,已經很滿足了.
以下是英文翻譯版
(閱讀全文)
今日同友人食飯,朋友談到老婆的腰骨最近經常很痛,此話一出,絕大多數有老婆的朋友,都說阿嫂都係有同樣問題.
[乜唔係,老公腰骨痛機會高D嫁咩?]好奇(加賤賤地)的一支公問.
[唔係嫁,女仔因為成日著高跟鞋,行同企.姿勢唔好,時間耐o左, 腰骨就好易有問題.]博士上身的朋友答.
好多女仔覺得著高跟鞋會靚少少,但各位靚女還是著少好.因為聽D阿嫂們講.真真係係好痛,而且手尾好長,雖然有老公仔按摩,但都係治標唔治本.大家青春無敵果陣,當然唔覺.但當過三十,D問題就開始浦頭,後悔就太遲囉.(死,點解好似講緊自己咁,重申一支公唔係女人黎嫁)
其實,一般的男仔唔多介意(亦唔多留意)女朋友低或高幾吋.根據麻甩佬金句三:[身高多幾吋,不如胸前多幾吋.],唔信?!下次妳試o下唔著高跟鞋,著多兩個BRA.包妳有意想不到o既後果.對自己又好,男友仔又開心.係熱D咁o者.
如果開工一定要著的話,不妨帶多對舒服o既鞋,放工替換o下.應該好好多.
希望唔好介意一支公有D煩(煩過女人少少),因為健康真係好重要,周身病痛真係好慘.健康o既女仔先最靚嫁.
(閱讀全文)
前陣子,中秋節,公仔箱有一個廣告,說毎個人抬頭看見月亮時,都會因唔同的心境,看到唔同的月亮.一個失意o既打工仔,看到炒佢魷魚的老板.一個失戀的少女,看到一個滴着淚的檸檬.今晚抬頭看著天上半個暗淡的月亮,一支公努力希望可以看到妳.(妳就算變o左檸檬,只要不是滴着淚,還是好好看的…嘻嘻)
妳知道嗎?網上的相片,已經不在了,可能很久沒有人瀏覽吧!當初沒有下載,因為人再見不到,再看到相片的話,個心會痛,好痛(很久之前試過,實在唔想再試).但今晚真的有點後悔呢.
此刻,心中,只是想著妳和哼著這一首歌…
前幾天上完英文course 回家,忽然眼前一亮(好彩唔係眼前一黑o者,唔係的話,一支公小記變一支公傳記就大件事囉,彩!!).原來班上一位同學仔,竟然係同一個火車站出現,仲要係屋企樓下果個.因為佢講緊電話,所以一支公也識趣地,没有打擾.
但心裏面有一個感覺.住在這裏都有一段時間,為什麼之前沒有遇見佢呢?其實,或者大家已經遇上千萬次,但都只是擦身而過,沒有留下印象吧.
毎天,來來回回,重重複複的毎張既陌生又熟悉的面孔,原來只差一點點.
一點點相識的運氣…
(0)