一支公小記 @.@

尋日, 聽到同事A話佢朋友公司比錢佢training, 自己公司真係比下去. 一支公見佢好似down down地, 諗往講D野安慰o下佢啦.

一支公 : 其實我地份工唔差呀, 都唔係無好野, 例如…唔…呀…

(呀o左成分鐘…都講唔到…)

同事B,C,D :   

A : 其實我知你盡o左力嫁喇…

一支公最後先發覺做o左一份唔乜好野o既工差不多二年, 心情down 到最底點.

時間 : 剛剛放午飯時間

地點 : 一條買飯的人龍上,收銀機前

人物 : 買飯男, 收銀員

男 : 一個XX飯.

員 : 係度食定攞走呢?

男 : 係度食

員 : 要唔要杯野飲呢?

男 : 唔使

員 : 多謝…二十………

男 : 等等…

員 : 係 … (將手放手在收銀機上, 準備打…)

男 : 都係比杯水我啦…唔該…

…

如果你覺得這是某廣告的延續, 這是你一廂情願的想法, 與本人無關.

[咁有乜問題?] 你或者會問 

[無問題 … ]  (哈哈, 因為本編字數太少, 想搵D無聊野撐o下場面o者.)

已從靚女售貨員, 毎日都收到一朵金色o既花後. 日日諗往靚仔王子為佢食o左幾多粒朱古力呢, 毎日都期盼著王仔o既再臨. 就係佢收o左99枝花後.

有一日…

[先生, 你搵邊個呀, 我唔識熊貓嫁喎!]女售貨員又驚又怕地問.

[o下?!] <---當時大o左幾個碼o既王子o既反應.

許多人都喜歡食朱古力,特別係女仔. 而好多鐘意食朱古力o既人, 都話食朱古力會比到佢戀愛o既感覺.

所以剛剛新鮮製造出來的朱古力就特別受歡迎, 可能真係食到初戀o既感覺掛…

朱古力如果只係得甜味, 就唔多好食. 有D人覺得愛情都係一樣, 愛得無風無浪好似太平凡. 唔鐘意平凡o既人, 通常都幾會係幾麻煩. 而佢地o既另一半, 就仲麻煩. 因為要自找麻煩之後又自己要解決. 其他人睇佢地就覺得煩, 成日’耍花槍’. 總之就煩煩煩.

苦o既朱古力一樣有人喜歡, 但多數人都緊人地食. 你睇幾多人鐘意D由頭喊到尾o既韓劇,就知啦.自己食o既, 緊係甜o既好啦.

又有人覺得淨朱古力又太單調. 鐘意加D果仁, 提子咁(其實又真係幾好味). 但如果兩個人o既感情加o左其他野落去(例如一個人,或者幾隻狗), 結果多數都係令人吃不消,導致消化不良,一鋪清袋.

而朱古力又有好多食法.

多數人係笑住緊食.

而喊住緊食o既人, 多數都係因為失戀中, 正在補充, 請勿打擾.

但如果你o既另一半鐘意偷偷地食o既話. 咁你就要小心D. 係佢通常攞到朱古力食o既地方, 多加留意. 提防佢亂食陌生人或熟人o既朱古力. 發生意外(一陣佢口味轉o左), 就唔好啦…

某一個寒冷o既晚上, 花fit仔正懶洋洋的躺在床上嘆報紙. 忽然浴室的門打開. 痴心妹穿著一件性感浴袍走出來. 身上霧起的水蒸汽, 半濕的頭髮, 襯托著一對黑白分明的眸子, 含情脈脈又帶半點害羞地盈望着花fit仔.

二人四目交頭.

良久…

花fit仔温柔的道 : 天氣凍呀.妳不如著多件衫啦…

痴心妹  : …

第二日.

花fit仔因為被趕出廰訓而得了大傷風..

老媽子有節目, 今晚果餐要自己搞掂. 放工果陣, 度o左好耐, 灣仔有邊度好食呢? 經過灣仔街市, 見到”祥利”, 記得飲食雜誌介紹過, 把心一橫, 一於試o下.

老闆一句 : 老細, 機多位呀?

一支公’樹’起一隻手指(唔係中間果隻) : 一 位. 

雖然今日係閒日, 都有八成滿. 坐低對住個餐牌諗o左好耐, 胃就得一個, 樣樣都想試, 點算呢 最後都係點o左我最愛o既生炒骨同酥炸魷魚餅. 兩樣都十分正, 一個字…掂.

生炒骨没像其他的得一陣醋味. 沒有醋但又可弄得酸酸甜甜十分開胃. 加上排骨還是脆脆的. 半 碗白飯轉眼掃光.

生炒骨雖然不俗, 但也不敵酥炸魷魚餅, 表面炸得脆脆, 但裏面鬆鬆軟軟又彈牙的魷魚膠, 加上少少’馬蹄’粒, 好味到唔知點講…

最後原本足夠兩個人食o既野, 被我一條友 KO 晒. 好滿足咁離開…

             生炒骨生炒骨                 酥炸魷魚餅

花fit仔同世界女在家看電視, 剛剛看到女主角因為知道男主角有絕症, 決定同男主角結婚, 共度餘生的一幕.

花fit仔 : 如果我都有絕症, 妳會唔會同女主角一樣, 同我走埋剩低o既日子嫁?

世界女 (二話不說地) : 當然啦, 我一定會同你走埋剩低o既日子o既. 同埋….

花fit仔 (期望o既眼神): 同埋乜野???

世界女 () : 洗埋你剩低o既身家…

花fit仔 ( 十分無癮 ) : 呢D野,在心中,算吧啦…..