一支公小記 @.@

[天氣轉冷, 小心著涼, 保重!]

今日收到這個SMS, 雖然唔知邊個send (唔知(唔記得)個號碼係邊個,一支公真係抵打!) . 但收到這種message, 當然係一件開心事. 除回番個多謝message外,一支公都想講同有緣見到呢篇文o既你講聲 : 天氣轉冷, 小心著涼, 大家著多件衫呀… (^^~)

可能我o既心灰意冷,意興闌珊已經在不知不覺間表現出來.結果被老闆叫o左入去佢房’king 計’,一開始,佢便話可能最近project比較趕,同個project比較重要,佢要求比較高,所以大家都比較燥,問我係問工作上係唔係唔開心?又怕我誤會係因為佢,所以幫佢地做o左咁多野,都無得升.其實一支公一早明白在這裏要升職比升仙更難,邊度關佢事啦,而且除o左靚女同美食之外,一支公唔會放其他野 係心上,點會因工作嬲佢呀.大家都係做野o者.但言談間,一支公好坦白咁話o左比佢聽,自己唔會做得好耐.但原因唔係同佢合作得唔開心.但係工作得唔開心,的的確確係事實.

其實,佢都係一個唔錯o既老闆,而在這裏工作環璄又係算唔錯,同事(大部份)又唔錯.但一支公始終知道係不久o既將來一定要離開.咁係為o左自己前途,唔想再浪費自己所剩唔幾o既青春同時間.

在這裏因為制度問題,唔會有升識o既機會,無論我點努力,同佢地解決幾多(高難度)o既問題.所有o既心血,努力同時間,就好似掉落咸水海一樣.人工又唔算高,所以這裏流失率係超高o既.加上一支公眼看住D後浪一個一個咁上來,一些已前一同工作o既兄弟,今日o既職位都比我高.自己卻像走到一條掘頭路一樣.已經走到盡頭,寸步難進.加上一支公年紀開始大,如果再停在這位置,他日人地一定會懷疑小弟能力.所以小弟非走不可.儘管這決定是無奈,痛苦的.

同事話我有點傻,自斷回頭路.但一支公覺得無乜所謂啦,可能已經覺得唔需要回頭路,亦唔想回頭.

今日又去o左食紅豆雪糕, 不過今次玩o左D’花神’, 叫o左個紅豆雪糕天府羅. 期實第一次係menu見到佢, 就已經比佢深深吸引住. 好想試o下. 所以今次一入去就…

[先…]一個攞住menu同笑容o既待應生正想問:

[紅豆雪糕天府羅]一支公未等佢講完就肯定地答:

[啊.原來你已經諗定o左,不如再望o下menu先啦…]待應生用誘惑o既語氣再問.

[唔洗…]一支公除o左話’唔洗碗’之外,都未試過咁豪咁講過呢兩個字,可見一支公o既決心.

[咁…多謝晒.]待應生就走o左去落單.

結果等o左好耐,好耐(好似等心上人一樣,時間過得特別慢掛!).就係睇o左十幾頁電車男之後,期待o既一刻,終於來喇. 原來果兩個波比想像中大, 表面趣卜卜,一支公開始用刀叉好溫柔咁切,(原來不得(*o*!!!),點都要用小小力!), 用力一插,’卜…’的一聲. 就見到裏面還未溶晒o既雪糕. 一支公搯o左裏面雪糕來食(還凍呀…), 中間一塊蛋糕類物體,吸晒D溶o左雪糕,超正!. 最表面趣卜卜的殼, 好像食蛋卷咁好香口. 食o下,滿足o下,咁就食晒兩個大波.還有伴碟o既生果,雖然係配角,一樣出色.雖然價錢比較貴,但也是值得一試(如果你鐘意食雪糕,又想試D新食法的話).

紅豆雪糕天府羅

因為覺得自英文太差,加上希望搵到一份較好的工作,一支公下了決心裝備自己.昨天告訴朋友已經報讀了某course.

[掂啦,應該識到女仔!]朋友興高彩烈的說.

[o下?!我主要唔係為呢D野嫁喎!]一支公淡淡的道.

[你三十幾歲喇,仲唔諗呢D野,你都應該為自己打算o下啦…….唔通你到四字頭先諗咩………….]

就這樣被朋友”教訓”o左個幾鐘頭.這位係一支公幾好o既朋友,講o既都係出於關心.經佢一話,先發覺原來自己不經不覺已經把愛情放了在不重要的位置.

其實一支公也曾經真的為o左識為o左識女仔去上興趣班,還當了許多活動的搞手.但結果都係失望.都係搵唔到自己杯茶(搵到,杯茶又話:我唔o岩你嫁,飲可
樂啦你.).但又要閃開一D唔o岩口味的茶,又要令送茶來的不會太傷心.一連串攞住個茶杯,妳追我閃,我追妳避的劇烈運動後,一支公真係發覺自己體力不支
(年紀大,真係唔係好頂得順).真係有點累.跟往發覺自己去興趣班真係為o左興趣,都算意外收獲.哈哈…世事真出人意表.

[係唔係你心頭高呀!]朋友有點動氣說.

我唔係心頭高,只係怕.說真的,我真係怕.怕同一個唔知自己鐘唔鐘意o既人,訓同一張床,做最鐘意o既事.其實一支公對鐘意o既感覺已經十分糢糊,有時分
不清想有個女朋友,定想佢做我女朋友.一陣真係搞錯晒,都唔知點算,唉…都係算把啦…傷害一個鐘意自己o既人,一支公死都唔會做o既…

可能我還有一班’電車男’朋友啦,日子過得還可以(雖然睇o左兩次’電車男’,D眼淚都係咁標出黎(^^~)).愛情…我唔再強求(唔係唔求,唔好搞錯!!!),一切還是隨緣吧.總有一日,我o既愛瑪仕小姐會出現的.(一支公在此誠心許願)

今 日 與 友 人 閒 逛 銅 鑼 灣 , 想 搵 一 間 鋪 頭 坐 o下 , hee o下. 本 來 想 去義 順 食 燉 奶 的 , 但 係 波 斯 富 街 中 途 見 到 一 間 新 開 的 甜 品 店 ( 原 來 都 開 o左 幾 個 月 , 哈 哈 哈 … ). 睇 佢 又 係 賣 燉 奶 不 如 試 o下 新 野 啦 . 睇 o下 menu 咦 ! 原 來 都 有 好 多 選 擇, 難 得 係 全 部 都 係 中 式 .  有 傳 統 的, 如 桑 寄 生 蓮 子 茶 (my favour), 腐 竹 雞 蛋 糖 水 和 一 些 糊 類 糖 水. 又 有 一 些 創 新 的, 如 芝 麻 糊 燉 鮮 奶, 合 桃 糊 燉 鮮 奶. 一 支 公 點o左 個 芝 麻 糊 燉 鮮 奶, 一 層 燉 奶 包 往 D 芝 麻 糊 , 感 覺 幾 得 意. 一 次 過 有 兩 穜 口 味 同 口 感. 但 可 能 芝 麻 糊 同 燉 鮮 奶 都 係 味 道 比 較 淡, 加 埋 一 齊 都 係 咁 淡 (主 因 係 芝 麻 味 唔 夠 濃). 加 上 兩 樣 野 都 係 有 D滯 口, 如 果 同 honey 一 齊 (可 惜 , 一 支 公 無 呢 D 褔 份 .), 最 好 一 人 一 半, 女 仔 就 o岩 o岩 好. 男 仔 就 蝕底 D 囉. . 總 括 來 講 ok 啦. 只 係 十 五, 六蚊 碗 甜 品, 都 算 係 不 錯 低 食 之 選.
      

備註 :  (傳說的)鎮店之寶腰果露 (只係星期六日先有,有緣者不妨試o下.幫我解開呢個迷, 謝)

紅豆雪糕一直是一支公心頭好. 少年一支公的學生時代, 手頭比較緊, 一支紅豆冰條更是最喜愛的夏日食品, 因為覺得佢甜得比較自然 (没像其他冰條, 似將幾樣化學野溝出的), 加上佢有粒粒紅豆, 又有咬口, 又飽肚. 感覺上抵D. 如果手上有多少少錢的話, 和朋友在茶餐廳邊吹水,邊飲紅豆冰, 也是一大快事.

今日約了友人在時代廣場等, 因為小弟早到, 趁還有時間, 便到地下的Haagen-Dazs. 試o下佢地新出的紅豆雪糕. 一入店口內, 熱心的店員便奉上紅豆雪糕試食(真知我心意). 感覺唔錯. 便 order o左一個雪粒球堂食. 原來堂食可以加個 source . 一支公便點了一個朱古力source. 吃了一口…嘩!  朱古力同紅豆味度超夾. 朱古力有少少苦味, 剛剛好令配上紅豆唔會太甜. 正! 唯一的美中不足, 就係紅豆唔係好夠. 少o左D咬口.  不過, 總體來說已是不俗之作.

Haagen-Dazs 紅豆雪糕

機場離境大堂內.

[請大家將寄運的行李集合在這裏, 記得重要物件跟身.] 導遊認真地道.

[放心吧, 我會跟緊妳嫁喇, 唔使擔心唔見o左我.] 老公仔笑笑口咁講.

[我都係.] 細路仔天真地說.

[係喇, 係喇, 至重要你地喇, 傻瓜.] 老婆仔用一張掛著像初戀少女微笑的嘴說.

一家三口的愉快旅程正式開始.