一支公小記 @.@

[’因住’肥死你!]朋友A說:

朋友B說:[芝士火鍋危害健康!] 

 聽完兩位朋友的忠告後,一支公下了一個決定,就係自己一個人去食.不境世界上無兩個人o既口味係一樣o既,何況一班人.一支公唔想免強朋友.更唔想免強自己(無理由一直為芝士著迷o既我,連一次芝士火鍋都未食過,芝士火鍋小姐呀!一支公對你唔住.).唯有又再做一次孤獨食客.

剛剛知道大家樂有芝士火鍋食.而我公司樓下就有一間大家樂.咁仲唔係天意…哈哈…

一收工,就飛落下去.其實時間還早呢,七點都未到.間大家樂無乜人(仲有邊個傻佬會放o左工,唔返屋企,特登留係公司樓下食飯呀.芝士火鍋小姐呀!一支公對你係誠心誠意嫁).

落order,等o左一陣.期待o左好耐o既芝士火鍋終於到手喇.有燒牛肉,雞肉,蘋果,麵包同天使麵和一些蔬菜.雖然水準中等,一支公略慊芝士唔
夠濃(大佬,收你三草野,想點!).唯一驚喜發現,原來蘋果 + 芝士汁係真係幾正.蘋果酸酸地,使芝士食o左唔太滯.又爽爽地,口感唔錯.

總算還了一心願.但當晚上最開心不是我.而是一位清潔審審.因為她被幾位電車中男口花花咁撩o左成晚.從佢o既笑容,一支公相信佢都係樂在其中o既.

近期看到兩則年輕人因為愛情做傻事新聞,心裡又是惋惜,又是難過.

雖然告別初戀的年紀已有一段時間,還是記得當時的百般滋味.有甜有
苦.十五,十六的愛情,就好似在白色的畫紙上,畫上第一筆顏色樣,簡單但美麗.儘管最後這幅畫是失敗之作,但這一筆也是令人回味無窮的.殺情敵,殺自己,
這些咁恐怖同血腥o既事.一支公實在想不到同愛情可以扯上什望關係.

也許現在的小朋友,更早接觸愛情.未太懂情為何物,愛情就悄悄來到.筆者覺得十五,十六歲,不用為生活擔憂,可以戀愛大過天時,二人一起開心,快樂,為情之
基本.找到自己心儀又可以同憂同喜,快樂時做作你的玩伴,傷心時作你的聽衆,困難時作你的支柱.o既人.當然值得開心.但喜歡的人,鐘意他人.也只不過表
代你同90%的平凡人(如一支公) 一樣.緣份未到o者.不用傷心,更不用遷怒他人.愛情是雙向的,只有一個人開心,就不是愛情.

愛情是兩個人的世界,但有著愛情不代表你的世界只有兩個人.當遇到兩個人都解決不了的問題,咁唔代表這問題解決不了.只要勇敢地跳出來,就可以找到幫到你的
人.朋友,老師,父母.多的是.這世界沒有問題解決不了.當然你放愛情在第一位時,你可知道父母比你的小情人更早放你在第一位呢?

你的愛情再痛,也不及母親生下你時的痛.

你的愛情再苦,也不及父母養育你時的辛苦.

你讓生命同愛情燃燒到極限,爆出燦爛的一刻.好不美麗.但你的父母卻要面對燦爛過後,漫長的黑暗.

年青人.何苦如此?

本來今日唔係寫這個題目,但因為某些突發事情.有些感觸想寫一吓.

原本想約番一班電車男出來聚一聚, hee
吓咁.所以打o左個電話比一位朋友,問吓佢得唔得閒啦.通常問人得唔閒o既電話,都係…喂,星期幾,得閒唔閒,近來點呀?D例牌野,一兩分鐘,收工搵下一個.點知就係一句’近來點呀?’,就引發佢千愁萬緒.同一支公訴o左差不多一粒鐘苦.

這位朋友剛剛轉工,上
一個月先同佢興祝脫離一個地獄,轉到一間佢一直好想入o既公司.果陣我地大家都話,如果無乜野打死都唔好走囉,唔好再過一D飄泊o既生活喇.浪子唔係我地
呢D咁o既年紀做嫁啦,留番比後生做啦.估不到,一個月後佢同我講想辭職唔做.其實我同佢都試過失業係屋企坐月o既日子(唔係一個月,係差唔多一年),未
過搵到份新工就諗辭職(我地果行,想搵一份似樣o既工係好難,唔係人工少就做到死)所以我知道佢一定遇到好大好大難關.

要自己一個人,處理
同解決一D極難o既問題,成日都要自己一個人孤零零留係Office
OT,但又唔係代表D問題可以解決得到,果份孤獨同無助.一支公都試過同明白.(這是我們特別老友的原因,基本上佢好似世界上面另一個我.)但自己又幫不
上忙.所以一支公其實都好難過.希望可以陪吓佢,等佢想訴苦.都一個伴啦.

今日又同一個舊同事食午飯,聽講佢買o左樓,一支公笑說,[你發逹啦,人工高],舊同事卻說道:[凡事都有代價,你知不知我幾點收工呀.].

說真的,這兩位朋友人工都比我高.但我相信工作上,我比較開心,亦無佢地咁辛苦.原來呢個世界真係好似某卡通咁講,要得到一D野,就要付出同等o既代價.呢個就係世界o既真理.

在mocasting,看到有幾位網友,都引用張小嫻一篇作品[最終,你想得到什麼? ],

人生最大的煩惱,不是選擇,而是不知道自己想得到甚麼.

一支公覺得這句說話.唔單只係情場有用,係人生好多問題上,都可以解開不少苦惱.想位高權重,高薪厚職,就要埋頭苦幹.犧牲好多同朋友(女朋友),家人一起o既時間,承受千噸壓力.定或者要平平凡凡,安安穩穩咁過一生?當你知道自己想得到甚麼果陣,就知道答案.

這一個問題,其實也是準備轉工(迷惘中)o既一支公正在想的.

唔經唔覺,在這裏開始寫小記已經半個多月,發覺自己越來越喜歡,深深被這玩意吸引住,寫到停唔到手.

雖然唔係日記(哈哈…小弟只係一個平凡人,無可能日日精彩,天天新鮮,唔夠料日日寫),但可以將D得意野(自己覺得)或者一D感覺舒發出來.同大家分享吓.原來係一件愉快的事.這裏很自由,寫乜都得,更難得你又肯睇,果o下餞鬼嘛…

寫吓寫吓,先記得自己原來係一個鐘意寫野o既人,還記得N年前,少年一支公曾經在中文作文功課中,作o左一本作文簿咁長o既文比個老師.嚇到佢花容失色,問我係唔係受到D咩打擊,係唔係失戀呀.真係激死.如果果陣,知道自己要D乜,鐘意D乜,選文科的話,相信好多野都會改寫,我都會生活得快樂好多.不過,人係咁嫁啦,錯過o左,先知道自己要D乜,鐘意D乜.結果都係諗乜都無用.機會同時間,就好似比你傷透心o既少女一樣,呢世都唔會返轉頭.但傷透心o既嘛甩佬(or一支公),在這嚴冬裏,只要心愛的妳著少o左兩衫,就會飛奔返來.為妳驅寒問暖…哈哈…真係唔話得喇掛.(咸濕就真<-不幸被女網友踼爆)

嘩…無啦啦,講到咁遠.呢D野遲D等我有時間,你又有興趣睇先再寫啦…總之,我想講,真係好開心,搵到呢個網站.去再重拾寫野o既樂趣.

From : 自助占機

今早攞番件褸著果陣…

咦! 點解個袋一疊野係度o既!

嘩! 係唔知邊年o既利是來嫁.(仲要係未拆嫁!)

發逹喇! yeah!  \(^0^)/

昨天參加一位女同事的婚宴,地點比較特別(可能一支公見識少掛!).在馬場喎,聽講如果早D去,仲有得同馬仔影相添.

今時今日,D女孩子真係幸褔.上天下海搞婚禮都得,只要做足準備,去迪士尼結都可以呀.但有一樣野度度都一樣,就係新娘子o既笑容.都係咁燦爛.可能對佢地來講,係邊度搞都唔係咁緊要,最緊要係同邊個搞o者.只要個partner o岩自己心水.其他野,隨緣啦.

今次我好相信佢真係搵到啦,雖然只係第一次見佢另一半,我都feel到佢地會好幸褔.從當晚菜單,到遊戲,都估到佢地有生小朋友o既打算.現今o既時勢,生
一個小朋友需要o既勇氣同對大家將來o既信心,比玩十次跳樓機大不知幾倍.一支公係呢度好羨慕又妒忌咁祝褔佢地白頭到老,早生貴子(女都得…哈哈)啦.