一支公小記 @.@

對於一個已經放低支筆十幾年,識字唔多的一支公來說,有一個地方自己可以寫得過癮,人地睇得開心.已經好滿足.得到讀者回應更是不可奢想的bonus.所
以一支公唔會因為無人回應悶悶不樂,鬱鬱不歡.更不會因為這樣而放棄寫野.就好似追靚女一樣,可能任你出盡渾身解數,火圈跳盡,她都好似無乜反應.難度你
會放棄嗎?像色狠一樣的一支公一定不會.因為追求的過程已經十分有趣,所以一支公一定會用加倍o既誠意同真心打動佢,直到一日她同一支公講:[你好煩呀,
收手啦…唔係打鑊你.]或者一支公遇見另一個更靚的.好彩,仲未有人對一支公講:[你好煩呀,收筆啦…唔係打鑊你.](就算有,筆者都會第一時間,
deleteo左佢,嘿嘿!)

同追女仔一樣,寫作的過程都好有趣.

其實一篇好的文章,不一定有許多回應.例如,筆者見到一篇寫清晨時在東京街頭漫步的文章,寫得浪漫詩意.難度筆者用一篇早晨與阿婆阿公係屋企樓下公園晨運的文章做回應嗎?咁樣不但好搞笑,仲煞風景.

唔回應,並唔代表唔欣賞.

多人回應的文章,多數是寫一些容易引起共鳴的題材.例如

1.)寫一些有關食的文章,會得到許多好食的人(如一支公)共鳴.
2.)寫一些有關靚女的文章,會得到許多好色的人(如一支公)共鳴.
3.)寫一些有關美容的文章,會得到許多好美的人(如一支公的靚靚網友)共鳴.
4.)寫一些有關愛情的文章,會得到許多有情人(無一支公份,嗚嗚 …><...)共鳴.

當然自己寫的東西得到多人共鳴是一件開心的事,但不需要看得太重要.你又不是靠寫文章搵食的專欄作家.可以隨心舒發,分享自己覺得好的東西,是許多人鐘意寫網誌的原因.因為這樣寫作先有樂趣.

好,又係時候講番D正經野嘞.得唔得到其他人麻甩佬共鳴,who care !!.但靚女,妳知道嗎?幾時到妳的共鳴.卻是一件令一支公牽腸掛肚的大事啊!

一支公個BLOG換o左新個LOOK,一個藍天白雲的背景,見到這麼好的天氣,心境都會開朗D,心情都會愉快D.希望有緣來到這裏的你,也有這個感覺吧!

為了配合這個新背景,一支公特意剪了髮,轉了一個新髮形.也配了一對新眼鏡,(近視淺了,仲比同行之友人笑我老了.哼…),誓要已全新形像示人.

你一定會話 : [唔係呀話,使唔使呀?]

我也一定會答:[唔係呀話,咁你都信.]

但飛了髮,換了眼鏡是真的,因為一支公希望重新打造一個新的自己去走一條新的路.

以前執著的,要放手了,

以前捨不得的,要學懂忘記.

以前害怕的,也要勇敢面對.

盼望新的路會帶給筆者新的風景,也可以走到幸褔的終站.

毎個人心中 都會有一段 與生命同在的青春愛戀 難以磨滅… 而思念至深時 我們將不自覺的 活在世界的中心 呼喊愛情

毎次見到這段文字,一支公也會不自覺的憶念某人.

已從開始寫Blog後,因為怕無題材(總唔能夠成日寫,日在照,花在笑,一支公呱呱叫..哈哈,引起網友恐慌.)所以開始習慣留意身邊o既事同人.希望可
以找一些事,小事化大,給大家分享o下.現今生活已經很逼人同緊張,所以一支公都係主力搵一D無黎正經同有趣的事(一個無黎正經的人,如一支公,通常易搵
D),正經o既這裏已經有高手代勞.日子耐o左,發覺身邊許多事(儘管是小事),都可以令人一笑,帶比你快樂, (儘管是簡單的).已下是一些例子.

1.)    大掃除時發現寶藏.如,錢或少年時的珍藏(可再細分為見得光同唔見光),呵呵,不便說明.
2.)    早上,見到有個BB對住你咪咪咀咁笑.
3.)    返工時,陽光普照,一切順利,唔使遲到,仲可以食完個暖笠笠早餐先返公司.
4.)    見到一個藐似成龍的美女,向某男仕單眼,將其嚇個半死.
5.)    寫BLOG時,得到靚女網友回應.
6.)    早上起來,發現自己輕o左一,兩磅.

還有,很多很多,你也想一些吧.

今日本來心情不佳,走進一間雪糕店,見到一個眼仔碌碌小妹妹,依在媽媽咋嬌.望見佢對個雪糕,兩眼發光,添着舌的樣子.一支公也不禁笑了.走出店子,抬頭望一望天上明月.人也輕了.

當你煩惱滿心,壓力爆燈,苦無出路時.也試試暫時放下所有煩惱壓力,細味生活中令你愉快的瑣碎事.讓生活帶你一點歡樂,讓你也對生命多一點眷戀.

今天又有一位友好同事辭職了.唔覺唔覺,一支公在這裏相熟的同事,已經有一大部份離去,新來的又好似唔係太係key,好難熟落,景物仍舊.人面全非的感覺唔係太好受.也許這是話比一支公聽我們的時代已經終結.但知道同事,有份比較好同有前途的工作,一支公也好高興.祝佢一路好景啦.我想也是時候努力了!

毎次賣旗日,一支公通常會幫襯一o下.因為很喜歡這種隨緣,不刻意做善事的感覺,想買的我,偶遇想賣的妳.大家心意相通,一拍即合(就好似姣婆遇著脂粉客
一樣咁夾).然後我一句:[唔該],妳一句:[多謝].大家又忙各自的事,妳繼續賣旗,我繼續趕路(死!九點半,又遲到!).没有眷戀,没有幻想(又唔係
抽奬).買旗,教人瀟灑!

如果見到下一個街口,又有靚女賣旗,可以好瀟灑咁將剛剛買的掉去,所費無幾的延續剛才那份浪漫(如果你唔趕時間的話).買旗,叫人快樂!

其實同男仔定女仔買,一支公心一直想無乜所謂,但一對腳總有自己的想法,毎次都好似朗拿度上身咁,輕輕地繞過所有麻甩佬,直到美少女面前買.可能受到過去
經歷影響吧.記得有次同一位男仕買旗,突然心口一痛,原來那位男仕怕旗丟去,所以運起一陽指(仲要係十成功力)狠狠地將旗釘在我身上,嘩!如果唔係要保往
男人o既尊嚴,一支公真想大叫出來.其實賣旗只需輕輕貼在肩上已經可以好穏陣(係唔需要用到一陽指的).正常情況係唔會丟下.(除非係下一個街口,一支公
又見到美少女賣緊旗.)如果閣下已經苦鍊多年,不用不快,也是可以的(一支公一向就得人…嘻嘻),但也請你預先通知一聲,好讓一支公也運起九陽神功,
護一謢心脈(因為買旗而被震傷,一支公會覺得好唔底.).

但天意總喜歡作弄人,當你運起神功謢體,以為萬無一失果陣,你就會遇到另一種人,令你不知所措.又有一次,當一支公剛剛入o左錢落錢袋後,抬頭一望,眼前一位中年男人,手
攞往張旗,用佢充滿期待o既眼神同我講:[唔該,自己攞啦.],當時一支公呆了一陣,因為用眼神同麻甩佬溝通唔係一支公強項,需要一點時間先明佢講乜.
當時一支公左手攞住個公事包,右手拿個銀包.那裏來第三隻手來攞?結果,一支公好狠狽咁怱怱收起九陽神功同埋個銀包.接過佢手上支旗,快步離開.可能佢怕
一支公會因為佢為一支公貼上那支旗而愛上佢啦.放心吧,呢D野係現實世界同一支公o既內心世界,係百份之二百唔會發生的.一支公一生只愛靚女,對麻甩佬,只可
以講對唔住.you are not my cup of tea.為o左避免以上事件再次發生,一支公決定相信自己身體,任那雙腿自己選擇買旗對象.買旗,令人尋回
自我!

除了幫襯靚女外,一支公見到D兩,三歲o既細路仔幫父母一齊賣,都會主動走上前幫襯,因為通常小朋友,除了送上果支旗外,都會奉送一個天真o既笑容.偶爾,想得這些天使的笑面,也夠樂一個早上.

下一個賣旗日,大家都不妨考慮做一些教人瀟灑,叫人快樂,尋回自我又幫到人o既事吧.

今日見到老友記童顏王子有隻blog寵物幾得意,自己即刻養番隻.

燈
燈燈燈…各位網友,呢隻就係小G嘞(在網頁底度),佢會週圍飛(註:只係係日本),你可以叫佢飛遠飛近,見到靚風景仲會影底比你添.係唔係好餞鬼呢?!一支公選o左
朔太朗同阿紀(唔知係邊個?星期一晚9:30睇明珠台啦!)相識o既地方做起點.因為一支公真係好鐘意佢地個故仔,雖然簡單純樸,但真係好窩心淒美.

大家有興趣,不妨養番隻.唔鐘意雀仔,仲有隻”男人老狗”(not my cup of tea)比你選.不過得閒記得要喂o下佢喎.

網址 : http://www.sasurai.com