一支公小記 @.@

當妳覺得孤單寂寞,請妳看看天上萬千星星含情的向妳單起眼睛,也順便想一想我.

當妳慨嘆人情冷暖,請妳試試讓冬天的太陽熱情的向妳投懷送抱,也順便想一想我.

當妳感到落幕失意,請妳看看窗外雨點正為討妳歡喜而翩翩起舞,也順便想一想我.

因為在某一個孤單寂寞,心思煩亂,落幕失意的晚上,一支公在想妳. 

她與她已前的他說,希望從新開始.他給了一個這樣的答案 .

[毎一個運動員都想贏,所以毎次都會盡全力跑完全程.只有用盡全力跑到終站o既人,先可以係下次比賽贏.我同你已經結束了,我盡全力去愛過你,已經沒有遺憾,最好的已經在我心裏.現在我心裏只有她,為了沒有遺憾,我都盡我最大能力去愛她,對不起…]

這是某一個日劇的片段,筆者看了,忽然有一個想法,一個好玩的電視遊戲,你全盡力打爆機之後,你永遠都會記得呢隻game好玩,點樣好玩,但當你要再玩多
一次o既時候,就會發覺同你記憶點都有一段距離呢.愛情呢個game都有D似,因為毎個人同另一半拍拖個陣,都係唔會諗住追兩次卦(咁,搞野)?所以會攞最好,
最正o既出晒來.直至走到終點.終點可以係分手或白頭到老.之後,最好,最正的,都會留係大家心裏面.但如果要大家再從頭再走多轉的話,這段愛情,多數都
只會次一級.當你再見到他／她在公司樓下等你，送花，沙灘漫步時，你還會有第一次時的興奮和震撼嗎？但者你還會因為他／她還願意為你做這些事，且感到慶幸．但相信這是另種感覺吧。

所以,朋友，珍惜眼前人,因為同一人,最正o既愛情遊戲,只可以玩一次.

原來有好多野,從前無,初初出現時大家都覺得多餘(可有可無),但到o左今時今日成為你o既必需品，如果無o左你都會不知點算.以下是一些例子:

１）
手電：係呢個時世，如果你唔見o左個手電。你會發覺，係你手電消失同時，你都會消失於你朋友世界裏，因為再無朋友可以搵到你。當然你也會失去一些多年無見
o既朋友同親戚電話，呢Ｄ在新年同結婚果時o既主要收入來源。所以係你被人打劫時，你會寧願無晒Ｄ錢，都唔願無o左個手電。除非你想成為獨行大俠（一樣十分老土同OUTo既野）。

２）電腦：如果無o左電腦，無得上網ＩＣＱ，ＭＳＮ同寫ＢＬＯＧ，一支公會無所事事，不知所措。

３）抽水馬桶：如果無o左抽馬桶，講起抽水，麻甩佬一定唔會咁興奮。因為他們只會諗起要自己抽水沖厠。不幸Ｄ，仲要幫Ｄ細路沖埋。慘！

４）
男／女朋友：已前自己一個人生活都好寫意，唔知幾時身邊多o左個閒人。後來，呢個閒人開始無咁得閒，因為要陪你行街，睇戲，食飯。到最後仲變成你行街，睇
戲，食飯，甚至生活，結婚o既必需品。（唔信？你有無同你honey講過，無o左佢唔得？無！講大話，死性不改。雖然，真係得唔得，大家心照。嘻嘻。）

唔知幾時一支公先可以成為靚女o既必需品呢？毎一次問靚女，佢都好肯定咁話：〔多餘！仲駛問?）。唔…佢一定想話,現在已經係啦…仲駛問…呵呵呵(一支公一廂情願的諗法).

呢個係一支公新年第一個心願。第二個就係希望一支公所有朋友（包括肯睇到呢度o既您），新一年開始，年年開心，事事順心。哈哈，唔好嬲我將你地放第二位，因為一支公一向重色輕友，死性不改。

前日同事lunch後買一包積及橙味朱古力餅回來.不幸被一支公發現,嘿嘿…結果當然唔使講.

一咬之下,雖然味道和已前差少少,但已經將很久已前回憶,call番晒返黎.記得一支公仲係細路仔果陣.新年D賀年糖果中,積及金磚一直都係一支公至愛中
o既至愛,什麼瑞士糖,吉百利全部行開.毎次撕開包裝紙,[咦!].見到淡黃色盒面,橙色的盒身,加上盒面上的大橙.筆者就會裂口而笑.一開個盒,就見到
在紅色的膠兜上,一條金黃色的磚向我招手.折開金色的包裝紙,然後一口咬落去,包住餅乾的朱古力當然不俗,但加上裏面的橙味梜心餅後.就足夠令一班幾歲至
十幾歲的細路瘋狂.不消幾分鐘,成個金庫就比我地成班表兄弟姊妹掏空.

直到現在,個種味道同毎個嘴唇沾滿朱古力o既笑容,一支公還是好珍惜地留在腦海裏面.現在已經很難買積及金磚了,新年也收不到,成日都係金沙,好悶啊!為何好的東西總是一點一滴的悄悄溜走.

一支公一向對衣著品味都好獨到,早在讀U年代,就已一身電車男Look(未變身前).嚇親唔少女同學.唉…難怪姻緣咁落泊.

畢業
後,一直都未見有突破.最得意之作,就係將人他著櫥窗公仔著住果件,成套咁買晒.之後,絕少再去果間鋪頭,費事D人意為個櫥窗公仔做乜會通街走.嚇親街坊
啦.前幾日,陪朋友買衫,因為遲D要見工,想買條tie.係云云靚tie選了一條,問朋友意見.朋友靜了一陣:[唔…嗯…嗯…你D品味,有D
問題.].從那天起,一支公嬲o左買衫.

實其買衫真係好煩.錢花了,心機也花了.但效果總是教人失望.但如果可以同靚靚女友一齊買,比o下意見,又或者我唔買,陪佢買,見佢著住件靚衫,係我面前轉一個圈,然後輕聲問一句:[靚唔靚?].咁樣買衫,也是一樂.

我是青春的專利,卻令老餅(如一支公)朝思暮想.(關你鬼事…by 一支公)

我滿是沒有對現的諾言,但沒有半句謊話.

我沒有香檳玫瑰,只有魚蛋燒賣,也教人溫馨滿足.

你說我簡單幼稚,我笑你複雜多餘.

許多人希望我會一生一世,卻沒有諗過結婚生仔.

一天我會悄然離去,儘管你情人仍舊.

請不要傷心,我只是生命裏的過客.一向如是. 

只需留住我給你的甜蜜歡樂,其他一切都不再重要.

我是誰? 我的名字是初戀.

祝大家初戀愉快… 

文無第一,武無第二.

自覺是文人的一支公(儘管唔多識字), 也漸漸喜歡做阿二.

其實做阿二著實不錯.

係賽車場,第二位的目標明確,但反觀第一的又無乜目標,都唔知追D乜,一面似遊車河,但又怕人追到,心情相當矛盾.炒車機會大增.

係公司,D客發火果陣通常都會大嗌:[叫你公司最大果個,出黎!].公司第二大的可以當唔關佢事…yeah !!

係香港,做香港第二有錢的.無第一個果個咁出名,被人綁架機會大減.(唔信,香港第二有錢係邊個?你知咩!).反正第二有錢都已經好有錢.有乜所謂.

係呢個世界,一支公絕對願意做全世界第二幸褔o既人,將第一幸褔讓比心愛o既靚靚女友(仲未出現啊…><...).

一支公只願做靚女心裏的第一.但為何毎次問靚女:[我幾時先可以做你o既number one呀?] ,靚女們都會冷笑一聲,跟住話[下世啦,你!].

為什麼要下世呢?如果一支公下一世係張摺”櫈”,做你的第一摺”櫈”又有乜用?靚女,我地都係把握現在,及時行樂吧!

一個聖誕節在家裏發呆的一支公o既傻人傻語.