在一次聚會中,一位舊老師,一語道破一支公是一個做事十分猶豫的人.回心一想,他說得極是.毎次想做一件事,想買一樣東西,想食一樣野.一支公總是思前想後,三心兩意.
For Example :
心想著食A 餐好定B餐好呢，到最後關頭竟然叫o左個最最（唔係口吃，只係強調o者）難食o既Ｃ餐。
睇中o左件玩具，貼住個櫥窗，流口水流o左半粒鐘，但都係心想諗諗先，回頭再買。真係回頭個陣，點知被個售貨員吋吋咁話，賣晒！
在興趣班上見到靚女，仲猶豫住去追唔去追（好似人地等緊你咁），結果。。。唉。。。
“猶豫”有個朋友叫做“錯過”，仲有一個兄弟叫做“後悔”。總有一個係左近。仲多過seven.
回頭再黎過，只係浪子（仲要係靚仔果Ｄ）o既專利。一支公唔係浪子，就算係，都係唔多靚仔個隻。再係咁，一定抱憾終生。
唔唔。。。好！下次見到咖哩魚蛋，臭豆腐，靚女果陣，一支公一定要勇往直前,不再猶豫。
唔知道,係唔係最近收利是收到傻 o左.
今日,一支公正在專心工作之際…
[毎位同事兩舊.]忽然聽到有位同事話.
[嘩,發達啦!]一支公心想,連忙低著頭,恭恭敬敬的伸出雙手.
[多…咦!]
一雙充滿感激的手上,多了兩舊厠紙.
一個魯莽o既行動,一場交通意外,本來是歡聚一刻,卻帶來永訣.
在茫茫天意下,總是令人有點無可奈何.
希望在這裏送上點點祝褔.
離開了的,得到安息.
留下來的,早日痊癒.
無論是身或是心.
年初一 : 一起床,頭痛得很(前一晚打機打得太晚的報應,打機打通頂原來真係青年人專利…噢!青春請你歸來,再伴我一會~.),整日用電話向遠方的親友拜年,晚上又要等弟弟和他的女友一齊食飯.所以整天呆在家中.
年初二 : 衝入元朗,向外婆拜年,同食開年飯.食盤菜,食到最開心之際,新間報道說有人食盤菜中毒
.一件冬菇從口裏掉下.
年初三 : 因為留o左外婆的心血(一大底年糕,數件茶果…仲有其他其他,未能盡錄…),怕她生氣,所以再入元朗,輕輕的我入去,一袋二袋出番來.打開雪櫃,原來家中還有,一底羅白糕,一底馬蹄糕,一底年糕…嘩…真係步步高升.
今年開始得好似唔係太順,但今日,回公司一路順風,收到老細利是,無風無浪又收工.回家,停了四日的厠所水又有番.都算一路向好果邊去緊啦.今年一支公有許多計劃要實現,希望一路好落去啦.
都祝大家新年,事事如意,搵工(公)得工(公),搵女得女啦…粗俗o左D,唔要介意…哈哈哈.
昨日一支公與幾位友人食飯.才七時,酒樓已經坐無虛席.見到不少枱是給公司做團年飯的,今年市度真好!希望一路好落去,咁大家都有好日子過啦. ^^
由於在等枱期間,一支公三條友仔吹水吹到忘晒形,過o左都唔知.好彩!果位好好人的知客小姐唔使一支公重新排過,你知啦,一支公D青春已經無乜,仲要攞來
黎等枱.好慘o者!唔使一陣間,就有枱嘞.筆者三人,坐下,邊食邊談.由國家大事(1%),講到兒女私情(99%).談天,說地.想當年,昐明日.唔覺唔
覺,愉愉快快,無無聊聊,幾個鐘頭就過去.
離去時,見到一枱,坐着五個人,一位年輕的女士正幫一個BB掃掃背,老公公忙着幫BB拍照,五個人面上都掛着愉快的笑容.構成一幅美麗的圖畫.回頭一望,都見到不少枱上有老有幼.大家都快快樂樂.團年飯,對於一些平時要分開生活的家庭來說,不只是一餐飯咁簡單呢.
今晚,一支公到外婆家裏團年,見到她面上又多添幾條皺紋,加上銀白的髮絲,又覺倉老多幾分.一支公心中又痛多分.婆婆成日為一支公未能找到另一半而擔心,這是一支公最內疚的事.希望今年可以搵到多個人,同佢一齊得閒飲o下茶,食o下飯啦.一支公在這裏誠心許願.
問卷是誰傳給你 : sha妹
靚女靚仔嗎 : 唔… 嗯 … 嗯 … (~^^)\
受歡迎嗎 : 唔知呀…但應該未到神憎鬼厭地步o既…
受同性歡迎嗎 : 唔太在乎…嘻嘻
受異性歡迎嗎 : 唔好提 …><...
受觸目嗎 : 如果肯裸跑,一定觸目到爆,上硬頭條.(跟住上埋差館).
朋友中重要嗎 : 重要…靚女朋友更重要..
朋友中是可有可冇嗎 : 當然唔係…都好需要既…
最吸引人的地方 : 應該有的.等我諗諗.唔…唔…呀…呀…嗯…嗯…哼,都唔好玩o既!唔玩喇!
今日一支公見人事顧問果陣,
佢問 :[你做乜野想轉工呀?]
一條見工必問o既問題,一條答o左無數次o既問題. 當然對住老闆一支公可以老作一大堆又大方又假o既答案,但對住自己呢?
見完顧問後,一支公在顧問附近的商場閒逛(其實係度發呆~.~),想諗一個真正o既答案.心中突然哼起李克勤一首歌,[想找個人,想被人抱,想找一張舒服
床舖.],如果女人想找一張舒服床舖的話,男人何嘗唔想找一張舒服床舖比自己心愛o既女人呢?但要做到,就要先找一份穏陣同有前途o既工作先.份工唔穏
陣,張床都唔穏陣得去邊,一陣跌親我心愛o既靚女點算!
忽然間…
[迷題終於解開o左!]被金田一上了身的一支公道.
但還是希望唔需要再答多呢條問題好多次啦!
(0)