一支公小記 @.@

讀書時,追功課.
返工時,追巴士.
工作時,追deadline.
收工時,追女仔.
有小朋友時,追住佢地餵飯.
退休時,追回以前失去的時間.
一生總是追追趕趕,笑問何時了.

今天一支公見到一位大力士,雙手拎著大大個裝滿貨的超市膠袋,依然談笑自若.最遲利的就是,普通人只是用來掛電話,掛MP3的頸,她竟然可以用來掛著一個安睡中的小寶寶.

 母親真偉大,因為當一位偉大的母親需要付出的氣力真的很大.

原文 — 趣兒 — 2006-03-19 22:33:42

遊戲規則　(以下請copy)
1.
請先發文，寫出六項您認為的『部落格有啥了不起？』可以是現象、理由、影響、故事甚至只是一句話，搞笑、漫畫、照片、唱歌、跳舞，什麼形式都可以！
2. 寫完之後，請繼續點出六位blogger，到對方家留言通知，把題目繼續傳遞下去；被點中的blogger必須再點選六位blogger，如此論推…. ，記得，在你自己的文章最後，要宣告自己點選了哪六位幸運兒，並附上這六位的blog連結。
3. 最後，記得使用引用功能，把你的這篇文章，引用回當初點名你的人的那篇文章。

草草落筆,大家請勿見怪.

 （一）抒發感受　是笑是喊,開心或唔開心,可寫出來,開心的更開心,傷感的可以得到舒.如果有友好回應安慰.更是治傷良葯.
（二）圓寫作夢  很多人喜歡寫作,blog 提供一平台給大家將自己的作品發放.以前只作家先有的機會,今日大家都有.
（三）改善表達能力  日子有功,寫blog
使人善表達能力在不知不覺間強起來.
（四）識朋友 雖然未必可以見到面,但純交心的,也是不錯.
（五）看見更多的世界 以前成日只係見到自己的世界,原來世界很大很多,而且七彩繽紛.
（六）學得留意生活 為了寫blog,
害怕無野寫, 要多點留意生活. 先發覺要珍惜毎一天,只要留意多D,生活原來很有味道.

情人同電話都是一樣貼身的東西,有時電話比情人更貼,情人未必二十四小時貼住妳/你,但電話一定會.有時唔止貼身仲貼埋咀添.所以一支公一直都好妒忌但又好想做靚女的電話.

雖然同是貼身的東西,但男仔同女仔選擇電話同選擇情人o既條件又是兩回事.男仔選擇電話時,多數會選擇一D多功能(簡稱多野玩)的型號,外表是都唔係最緊要的因素.而女仔多數會選一些外表靚靚的,功能唔太多都ok.

但選擇情人時則剛剛相反.如果一個唔多靚,但有好多function (如洗衫,煮飯,溱仔),或好多野玩(如…)o
既女仔,同一個好靚但無乜function  o 既女仔.十個嘛甩佬有十一個都會選個靚嫁啦,就算要佢地提供埋果D
function,都義無反顧,為求一親香澤,一個男人變成一部洗衣機,一個飯煲,又有乜難度.哈哈…

女仔則重內涵好多,而且至少受到名言”靚仔無本心”影響,外表呢野最好無,全世界得我覺得佢靚仔仲好.

縱使選擇方法不同,但對待方式卻一樣.不時在地鐵上,在巴士上,不少少女,少婦,老婦上車,第一件事就攞個電話出來,check o下佢,打o下佢咁.同以前靚女對一支公一樣,毎次見到果D電話,一支公都會有所感觸,身同感受.

男仔又點?新買番來果陣,就當然日日摸往佢啦,望往佢啦.日子耐o左,只有想打電話果陣,或電話響果陣.先攞出來.平時只有放在衫袋,褲袋,甚至旅行袋裡
面.記得有次,最難忘的,一支公見到一個嘛甩佬o係一個紅色背心膠袋(買餸果隻)攞出一超舊model o既電話來打.真係潮爆全場.

唔知幾時先再收到靚女電話呢? 等一支公再唔使對住個電話傻言傻語.

很少麻甩佬可以留係一支公心裡面,天氣先生是其中一個.從一支公睇得懂天氣報告開始,天氣先生就一直陪伴一支公到今天.曲曲的頭髮,大大的鼻子,十年不變
的套裝(原本以為一件過,後來先知原來吹得開兩件.),年代點轉,天氣小姐點轉,天氣先生都依舊不變的告訴大家明日的天氣.

晴轉密雲時的 : 呀…哦…
天氣好時,擇枝花,吹吹口哨.
行雷時,被雷打Pat,Pat.
狂風暴雨時,被風吹到露兩點.
氣温驟降時,大叫 : it is falling, it’s falling…
嚴冬時,仲識變雪條.

唯一美中不足的,就是咁多年都學唔識廣東話,如果佢叫 : “今晚好X凍,大家著多件衫呀! “你話親切幾多.真係唔得與時併進!

不過,儘管如此,一支公依然喜歡他.雖然唔會因為佢,而追看天氣報告.但如果天氣報告無o左佢一支公會覺得好失落,總覺少一了D野咁.

今晚佢又大叫 : it is falling, it’s falling…嘞,大家記得著多件衫啦!

今天見了一份朋友介紹的工,應該有點機會.這份工可以給一支公一個幾好的名份(在找下一份時,會很有幫助),人工都ok.但這份工要的技能是一支公比較弱的一項,像重新開始一樣,而且應該無人幫,好可能要一公當關.同interviewer 講明得一年約.出年又唔知乜世界.現在的工,有一群很好的同事(如果要走,最唔捨得佢地),但呢份一樣做唔長,個project 完o左,又要各散東西.加上毎日見到小人當道,得盡老細歡心.個個做到死,佢就可以早收工.一支公真係又憤怒又無奈.真係做到心淡.最悲就係走要賠錢.

唉,迷網o既一支公真係唔知點算…天!是否小人,衰人先有運行呢?

唱 : 任賢齊

下了一夜雨
下了一夜的情節
那段年少的故事
是一出難忘的戲
想了一夜你
想了一夜的往昔
我的輕狂你的美
我的離別你的淚
給過你的吻還在老地方
就算老去容顏依然不會變
許過的誓言還在老地方
經過多少風吹雨打還記得
有過的愛情還在老地方
就算物換星移依然不能忘
有過的回憶還在老地方
走到歲月盡頭也會陪著我
想了一夜你 想了一夜的往昔
我心中永遠的你 永遠停在老地方

^^