一支公小記 @.@

某飯店內.

待應:今日的猪什好靚喎,不如叫個芥蘭抄猪什好唔好?

食客:唔…都係唔好囉,剩芥蘭得啦.

待應:呢度D芥蘭炒猪什好出名嫁喎,真係唔試o下?

食客:唔好嘞,抄芥蘭得嘞.

待應:唔…咁,蒜茸定僵汁炒?

食客:蒜茸啦.

待應(急然醒起):呀…芥蘭賣晒!不如菜心炒猪什啦…

食客(苦笑):…

當你用o左成個星期諗下次見面講D乜,但當真係見到時,只係識講:[嘻…嘻,呀…呀,哩…哩]同傻笑時.
當你情願第二日通頂OT,也要爭取和她同行的幾分鐘時.
當你覺得失業等如失去追她的資格,而苦苦撐住一份已經死心的工作時.
當你會因為擔心她已經有心上人,而感到忐忑不安時.
當你以為心如似水的心,因為她而再次悸動時.
當你終於發覺自己原來只係一個平凡電車男,而並唔係什麼情場高手時.
那麼這份初初喜歡一個人的感覺,請好好記下.
因為無論這段感情能否開花結果,這份感覺都是十分的棒.

收到友人的電郵,本來只是好奇click 一 click,發現這個感人的MTV.

MTV中的四個中年人 ，在現實生活中都不是很順遂。 主唱在餐桌前挾著飯發呆所看到的妻女幻影，是指他到了那個年紀 卻還是沒有成家( 或是已離異) 。
食堂老闆在用餐時間卻一個客人也沒有。
鼓手在工地工作，貝斯手開了間小蔬果店有個可怕的妻子 ….
為了年輕時的夢想，再一次的會合 ……

http://marksboy.myweb.hinet.net/kurumi.htm

當一支公看主音一個人食飯的那一幕,真的想哭出來.是悲傷,是害怕,到老時如果還是要自己一個生活,已經分不出了.

每個人一生中都會有不同階段的朋友,在每個不同的階段,與我們有緣分享共同的時光,而這些一起分享的時光,一段段地拼湊起我們的人生,珍惜每個與我們一起成長的朋友吧 ….當你年老時，還能有跟你一起瘋的朋友嗎？

這首歌，帶給人現實生活中的無奈，卻又有無盡的希望啊…當我們還有夢,我們還是年青的.

くるみ（Kurumi）
作詩：櫻井和壽　作曲：櫻井和壽
編曲：小林武史 & Mr.Children

Ne～ Kurumi
這街道的景色在你的眼中是什麼模樣呢？
現在的我看起來又是怎樣？

Ne～ Kurumi
若是旁人的關心也讓你聽起來像挖苦似的
那個時候又該怎麼做才好呢？

只是回想起過去美好的一切
卻讓人的心情更自覺得瀕老
在這樣的生活裡頭
如今的我 一定得做個就要轉動齒輪啊
伴隨希望的衍生而增加的失望
即使如此明天的內心依舊悸動
「究竟會發生什麼事呢？」
試著去想像看看吧

Ne～ Kurumi
假使時間的河流會將一切給洗刷帶走的話
那生存這件事就變得再容易不過了

Ne～ Kurumi
在那之後我一次也不曾讓眼淚流下來
可是 讓我能夠開懷真心的笑卻也很少

不知在哪裡扣錯了
發覺到的時候才知道多了一個鈕扣
就像這樣地要是能和 某個有多的鈕扣穴的人相遇
讓一切變得有意義就好了
伴隨邂逅的次數而增加的別離
即使如此內心仍因希望而跳動
每當在走過十字路口的時候
難免也會有迷失方向的時候

總是乞望想擁有比眼前更多
為了追求那不變的愛而高歌
於是齒輪不停轉動

超過必要的負擔 讓齒輪一面發出嘎吱的聲響
伴隨希望的衍生而增加的失望
即使如此明天的內心依舊悸動
「究竟會發生什麼事呢？」
試著去想像看看吧
伴隨邂逅的次數而增加的別離
即使如此內心仍因希望而跳動
現在已經不能夠回頭了啊
向前走吧 踏上沒有你的這條路

為了避免清明節的人浪,今日一支公和家人去了澳門拜祭爺爺,嫲嫲,叔叔.為了趕船,晨咁早就要起身,執番D眼耳口鼻,趕頭趕命的去到碼頭,先發覺早o左成個鐘頭.不禁大叫一聲:[撞鬼,有無搞錯].不過,雖然搞錯,但可以舒舒服服咁食個早餐先,都算唔錯.

出境時,第一次用到e道,原來真的幾方便呢.一兩分鐘就搞掂!!yeah!在船中,半夢半醒的過了一個鐘頭.就到了澳門,幸得親人接送,很快就到了目的
地.再次見祭爺爺,嫲嫲,叔叔的相片,不經不覺他們已經離開了幾年.他們的樣貌,聲音,還清楚記得呢!心裡總有點感觸.希望他們在天上活得愉快啦.

拜過他們,一衆人到一間叫紅記同樂飯店吃飯,菜色地道,味道也不錯呢.大家快快樂樂的吃一餐.見到一群表弟表妹唔覺唔覺都已經成年了,心裡還留著他們小時
候的模樣,今日他們都已經在工作,拍拖了.當你還以為身邊的事和物,日復日,年復年,好像没有大改變時.其實有許多許多都在改變中,只不過變得太快你看不到
吧.

和一衆表弟表妹,在氹仔手信街,買了出名的大菜糕吃,唔…味道一般呀,還是以前自己做的好食D,哈哈…因為加了蛋花同是自己做的.但他們說很好吃,好!第時有機會等一支公露兩手比佢地,叫佢地知道乜野先叫到好食啦…

之後,兩位表妹,帶我們到”人氣景點”-漁人碼頭,場景不錯,用來影相一流.但搞得就嘛嘛,但無乜氣紛,加上十室九空,遊人又唔係太多.有D鬼城
feel,分分鐘有一兩隻僵屍走來,你都會覺得唔出奇!接著去隔離的金沙見識,見識.但要用一個buffet
價去買大細,一支公都係覺得食個buffet 吸引D.所留o左一陣就走了.

接著去了議事亭前地,因為有表演,人頭特別湧湧,十分熱鬧呢.怱怱走過,去了九如坊食木槺布甸,實在有D 失望,雖然味道不變(好好味),但細o左又貴o左.見到不少情侣都係兩個share 一份,原因是太貴,還咁食好味D就唔知啦.嘻嘻…

之後,和表妹們道告別,又踏上回家之路,結束半天的澳門之旅…

(好食,但好貴又好細的木槺布甸)               (芒果慕絲,味道中上啦!)

後記,其實去澳門唔賭,還有好多野,好食,好玩的.不妨少去賭場,多去其他地方,也可以樂一番,分分鐘仲幫你省唔少.

澳門特別行政區政府旅遊局網站:
http://www.macautourism.gov.mo/index.html

今日和友人食飯,言談中講到一支公在家通常在家好少用電腦(除了寫BLOG
和上網外).友人即時彈出一句:[咁你應該入錯行,你唔應該做電腦,應該去教幼稚園啦!]雖然佢是講笑,但其實當一位幼稚園老師一直都是一支公的理想識
業,一支公一向很喜歡小孩子,心情唔好果陣,只要睇到一D得意可愛的小朋友時,不快的情緒立即減半.他們一笑一喊,也是可愛的.可以在純潔的白紙上添上漂亮的色彩,在一支公來說是一件有很意思和趣味的工作.

無奈地,在香港,當一位幼稚園老師的工資,可以養得掂自己已是幸運,用來養妻活兒,簡直是天謊夜談.所以一支公最後還是放棄這個念頭,神推鬼雍下做了
IT.雖然這一行帶到一支公一份較好的收入(相比幼稚園老師).但毎次見工人地問起點解你鐘意做IT時,一支公就覺得佢問緊點解你鐘意呢件猪扒咁?呀…因為佢…夠猪…夠扒囉…飽肚嘛…理由千個,但有幾多是真的,自己心知肚明.

衆人佳知,男人最怕入錯行,女人最怕嫁錯郎,但又有多少人會知道,為o左唔想自己心愛o既女人嫁錯郎,幾多男人情願自己入錯行呢.

雖然身為IT人,但一支公對於D高科技產品一向興趣不大.尤其是電話,什麼2G,3G,對筆者來說分別不大.打得出,收得到就ok .近期最大的突破,就係用手機影相(唔係影衰野,唔好諗埋一邊,嘻嘻),主要的相是用來寫blog 的,雖然質素一般,但勝在方便.

但講到最得一支公歡心的,就是SMS，因為佢真係幫到人，講了許多平時唔會講的說話。如：

〔天氣涼了，著多件衫！〕
（在ＸＸ等，不見不散。）
（聽講你病了，睇了醫生未？）
（乜乜節快樂！）

如果特登打電話，講埋呢Ｄ野，跟住又無乜野講。感覺會好怪同尷尬，尤其是大家又唔係好熟的話。假如對方正做緊一Ｄ緊要事，如開會，排毒之類，有時情況都相
當搞笑。試想一天你知道某某轉了工，想打個電話祝賀o下佢，本來想祝佢前程萬里，因為從電話中聽到沖厠聲，錯口講了一瀉千里。除非對方最近便秘，否則你都
幾難自圓其說。但很多時因為怕尷尬，少了通信，一Ｄ唔係太熟o 既朋友只會越來越疏離。

ＳＭＳ就是挽救這些半熟友宜o 既救星，儘管只是獠獠數句，總好過無。起碼大家都知道，大家還記掛著大家，心裡還有呢個朋友。其實對一Ｄ剛剛相識而又想進一步的人來說，ＳＭＳ的好用之處，唔使筆者再講啦。

如果要選邊個電話新功能最有用，最必需的，唔係ＳＭＳ會係乜？一個電話可以無收音機，無ＭＰ３，連相機都可以無，但絕對唔可以無ＳＭＳ。因為咁多新功能中只有ＳＭＳ係用來加強通信的。電話是用來通信聯繫。他們先係最襯的一對。

今日寫呢篇文章，因為重病中的一支公，收到一位友人的ＳＭＳ問候，雖然短短幾句，卻暖在心頭呢。

長期懶大隻.
長期OT趕工.
加上最近狂食朱古力.
一支公終於得了大感冒,倒下了.

聽講亂諗野,有助舒緩病情,減輕痛楚.
好,等我想想如果各人聽到你患了感冒的反應.

公司裡的兄弟:
[你無事呀嘛,唔舒服唔好返工嘛,係屋企休息o下啦…啦…啦…] 一路講一路用上盛o既輕功退開幾十里..

老板:
[你好病喎,返去抖o下啦.]當你含笑轉身之時,突然…[個project ok嗎,聽日deadliner喎,無問題呀嘛?]歸家之路又變成歸位之路(番埋自己個位繼續做死埋佢).

老媽子,老婆或感情超定的女友:
[平時話你又唔聽,懶大隻,著多件衫都懶,o拿!知死未!]句句有骨,頂心頂肺,病情極有可能惡化,但唔知點解又嬲唔落.

剛剛開始拍拖的甜蜜情人:
[不如陪妳睇醫生啦?一陣係你公司樓下等(無機會比你拒絕).]個病即時好o左一半,運氣好的話,仲有愛心糑食添,真係唔捨得好番.

結綸:
如果剛剛拍拖o既你都唔病一o下,呢個絕對係你人生裏面一個最大最大o既遺憾.如果睇完呢篇野,你都依然覺得呢個時候唔應該病,恭喜你,你真係有病,快D話比你的另一半聽,等佢為你噓寒問暖一番.嘻嘻…
好!又夠鐘食葯.