今天,放工後,和幾位同事閒談,有兩位同事剛剛拍完結婚相,由結婚相講到渡蜜月,渡蜜月講到婚宴,婚宴講到買樓.天南地北,無所不談,十分愉快.唔覺唔覺傾o左二個鐘頭,本來要到某處報讀課程,也忘了(哈哈!).雖然大家口中說着,結婚種種麻煩事,但從兩位同事說話,眼神,一支公睇到什麼做叫做幸褔.原來童話中,王子公主最後走在一起,快樂的不只是公主.(只要大家都真心享受做同一件事.).
這夜回家,不禁抬頭望着夜空,(有無搞錯,揾粒星睇o下都無!唔理喇.).一支公:願一天,天隨人願.
P.S. 應承o左幫人做兄弟,要加倍努力修身!!!
毎 年書展,這個糸列的書,都是必買之一.一支公很喜歡閱讀生活小品,聽聽其他人的故事.作為醫者,作者遇到的悲歡離合,總比平常人(如我)較多.書多叙述, 作者身邊的事和情,毎次總有幾篇令人會心微笑,也有幾篇叫人暗暗落淚.我們常常以為遇上一些很大的不快事,原來這些事其他人遇上過,看多了其實也沒有什麼 大不了.
此外,一支公很喜歡三叔三審的故事.欣賞三叔豁達和充滿智慧的生活態度,也羨慕着他們歡喜寃家般的愛情.如果一支公有一段這樣的婚姻,也算此生無憾.
一支公十分喜歡這一次的序[…快 樂 不 是 命 運 安 排 ， 而 是 自 由 選 擇 。 人 生 在 世 ， 日 子 總 要 過 ， 何 不 開 開 心 心 地 生 活 ？].生死有期,多一天快樂,就少一日煩惱.為何不讓自己好過一些?
這本書文筆,簡短易明,如果你覺得悶悶地,一支公誠意推薦比你.
希望大家都可以人如書名,開開心心又一天.
可能受最近文章影響,有網友擔心一支公的性取向.如:男網友A:[嘩!條友仔會唔會來搞我嫁,我對明仔一條心嫁嘛!],幻想中的女網友B:[搞錯呀,咁靚仔,曬晒!].令到大家如此不安,一支公心感抱歉.為免大家恐懼不安,一支公誠繳花fit 仔東山復出,再推出情愛日誌.以明心志.
男同女的愛情,在一支公心中還是多麼的有趣!
(閱讀全文)
唔好會錯意,這個[涼伴]同食沒有任何關係,而是沖涼的伴侣(對不起,同色都無乜關係).其實只是想說沖涼的用品(如,梘液,洗頭水),夏日炎炎,有乜比沖過靚涼更享受?!沖走一日的疲勞不快,一身清爽,加上陣陣香氣,吸引唔到靚女,都可以吸引到周公.樂也,樂也.
最近一支公轉o左死性,棄用抵食挾大件的蝦世界,愛上幾十蚊細細枝的梘液,因為喜歡它的陣陣果香,沖完後的感覺,真係講唔出咁正,成身鬆晒.可能你會話一支公毑毑地,算啦,關你鬼事!嘻嘻…
今次買了青提子味,都ok 但感覺太甜,還是喜歡上次橙味多一點.
唔…下次番兜定再試新味呢?還是下次先想吧!今天一支公只想好好的沖一沖涼,暫時忘記所有煩,悶,不快事.
某天下班回時,在火車站內見一個小小的身影,用急速的步伐,但緩慢的速度,走在前方.因為動作十分得意,吸引著一支公視線,走上前看個究竟,原來一個二歲的小女孩,雙手握著一個布公仔在身前,一邊用嬌柔的聲線叫著:[呀…],一邊奔向母親去.她的舉動令死氣沉沉的火車站內(想知乜野叫死氣沉沉,平日(星期五例外)放工時間,去一去火車站,地鐵站.睇o下大家放工後的半死狀態,就會明白),多添幾分生氣.
不知點解,大家小時候,無論男仔女仔,出街果陣,總喜歡帶著一個小伴遊,女的多數是布公子,男的多數是車仔,鐵甲人.有時它們不只是伴遊咁簡單,還是大家的”口水堅”,”抺咀布”,借力工具,傾訴對象(可能,反正果陣大人同公仔一樣,都唔識BB話啦,所以無乜可謂),甚至武器(嘿嘿,不少大人又吃過公仔的公仔頭捶,飛腳).
就這樣,它們伴著我們過了最快樂的時光,儘管在清沌美麗的面龐上多了兩片口水漬,威風凜凜的身體上少了一兩個飛拳,毎次它們到訪我們的思緒時,總會帶給我們一份愉快的禮份.在某日感到孤單寂莫時,想起它們.
已從養成夜訓的壞習慣,已經很久沒有看見晨曦了.今早突然起了身,見到天邊一片美麗醉人的紫虹色.不禁要暫別周公,坐下來欣賞欣賞.
祝褔大家(祝埋自己)的一生,也像晨曦般美麗醉人和充滿朝氣. 
今晚工作中的一支公抬頭一望.[嘩!做乜一個人都無,走晒喇!].成個office 空無一人,又就黎七月十四,心中忽然有一種好害怕的感覺.連忙放低做緊工作(唔…原來放低,係咁好feel,唔怪得佛家成話,[放低啦,施主],真係有道理).再以九秒九的速度.飛快地逃離辦工室.
回到熱鬧的街上,心情總算平伏了一些,漫無目的地在街上閒逛.忽然一個大大個黃色招牌.[噢…大利清湯腩!],回想它搬了舖之後,都未有機會幫襯過.心想,又諗唔到D乜好做,不如一試啦.走進店內,店大了,又不是太多人.容易地找到一張枱坐下,對面兩枱同時也坐著一個單身電車男(佬),剎那間,大家對望了一o下,大家的眼睛好像同時說著,[星期五,…唉…],然後大家垂頭喪氣地又將眼光放回在店子內的電視內.
[唔可以咁記,一支公,提起精神,仲有好重要野未做,點菜!].來到呢度,當然要點最出名o既牛腩啦,一支公點一個凈咖喱根腩,順道加上一順道加上一碗紫菜三寶米(因為想試埋呢度o既手打魚蛋,米粉送咖喱也不錯).來了,來了,雖然是咖喱,但也蓋不往牛腩的陣陣清香,食落.嘩…好稔呀…舊薯仔,勁入味.唔錯,唔錯,水準還keep住係高水平,接著三寶米也來了,魚蛋很彈牙,但唔係好食得魚味,可能之前一支公已經滿口咖喱啦,蓋過了.反且墨魚丸令一支公有驚喜.遺憾的沒法試令一度招令一度招牌桀作金錢肚,老闆死都唔肯凈三樣.根,腩,肚只可三選二,如果也喜歡吃牛的妳,也在身傍,咁就可以試埋金錢肚,有多好.不過,妳真係係度,就算乜都試唔到,都已經很好很好x N 次.
步出店子,思想又找不到焦點,又揾唔到下一個浦點.只好乖乖乘車回家,應該還可以睇埋最後一節,神鵰俠侣的.鵰兄,一支公來找你啦…
一支公最害怕的,唔係七月十四,而係一個人孤伶伶,唔知做乜的感覺.逃得出辦工室又如何,逃不到妳身邊,最後還是要獨個兒,與這種感覺為伴,盼願一天,唔使再揾鵰兄啦 …
(0)