一支公小記 @.@

最近有好友想介紹個女仔比一支公,老實說,一支公也自知年紀不輕(咁,又唔算老,哈哈,死撐),係時候認真找個伴.如果一日自己頭上有白頭髮(又唔係楊過 咁型果隻),身上又帶住一大舊猪腩肉,仲走去同人講:[我係浪子.比個八折來都得卦?波菜蓮],一支公會覺得好搞笑,但搞笑搵第二樣.

人 生漫漫長路,有伴同行,當然是一件嘗心樂事.當你行得累時,有把温柔o既聲音同你講:[你倦嘛.],立即精神一振,儘管下一句係,[我很累啊!不如你咩埋 我啦.].當然如果一支公仲有氣有力,同對手仲係一百二十磅樓下的話.都應該無乜問題o既(汗).有時,毎當你要落重要決定時(如今年去邊度旅行,買樓, 轉工),身邊有一個親蜜的人商量,係好好多(心理上同事實上都係),唔係乜都可以搵朋友講嫁嘛.就算只係單向式,心中多一份牽掛,做事都會三思,唔係今年 喜歡了那個她,一支公恐怕已經好瀟洒咁辭工,現在好痛苦咁搵緊工.你可以笑一支公老土(現今好多女仔,都唔使靠人),但始終覺得想照顧人和做人男友,有一 份工作係最低要求.還有人都主動o左,今年夠膽第一次問心儀的人攞電話(當然同好多第一次一樣,失敗收場.),總比以前只係識得傻傻瓜瓜企埋一邊偷望好得 多,明白有很野係需要主動爭取同守護.可能一支公一大步,先等如人地一小步.但總算向前走出了一步.愛情會令人成長,這句話無錯.

但最後 還是惋拒了,因為心還是有那個她.雖然一支公未出招,就已經被紅牌趕出場(都怪自己粗心大意,口才不佳.人地未睇到你D優點,自己D缺點就show 晒 hand.邊個都出紅牌啦. One to one talking 一直都係一支公最弱一項.).心中明白已經無能力留往她,總有一日她會離開一支公的心.待她離開後,一支公還需要一點時間收拾,打掃,裝俢一番.然後先可 以迎接新的客人.

所以現在還是不想開始一段新的感情,這樣對大家都好一些,公平一些.但還是很感謝老友的好意.

幾準…不妨一試.
http://www.superfate.com.tw/22_free_8word/

一支公是蘭花命

某天在地鐵車廂內看到一個出國留學的廣告.想起在多年前也有一個出國留學的機會.當時中五的一支公,會考成績只算一般,(即係你想repeat果陣,D學 校同你講:[你都考得幾好呀,不如試o下其他學校有無得上預料啦.但你想問有無中六位時,佢又會同你講:[唔…差少少喎] ].像一支公的夾心人,當時可以做的,就係向天大嗌:[有無搞錯,玩呀?]同等運到.睇下邊學校好心收留.

正當絕望之際,家人忽然提意, 不如去英國讀啦,因為在英國有親戚居往,話晒有得照應.一切手續辦妥.連入學信都收到.正當一切就緒時,忽然得到某好心學校肯收留重讀.當時傻瓜的一支公, 因為有太多不拾得,而放棄了出國的機會,不境對一個十五六的小伙子來說,朋友比前途重要得多.接著又收到母校升讀預料的通知.就係咁,短短幾星期,一支公就 嘗到重讀同直班的滋味.感覺好似好抵又好似唔好抵咁.不過可以見番D舊同學,都係開心感覺多D.

如果再可以選擇,或者一支公會選擇出國.人大了,想法總會不同(可能鬼妹的吸引力會遠勝同學仔.嘿嘿).但也不會後悔當天的選擇,因為那個選擇,也為一支公帶來一躺很好的旅程.識到很多很好的朋友,遇到很多有趣的事.也許沒有當天那個選擇,就沒有今天的一支公.

人 生毎個選擇都會引領你走唔同的路,路上你有不同的同伴,不同的風景.大部份選擇都没有對錯,得失(所以不需太在意).因為毎個人生的終點都是一樣(放心, 一定唔會行錯路,正所謂死路一條).你只是選擇唔同的路,走向這個終站.只要不要選擇對自己有害無益的路,選擇後,用愉快的腳步,勇往直前,欣賞細味沿途風光.人生要活得高興快樂,這樣才有 意思.

非喜勿看


(閱讀全文)

當我們還未失去過時,我們很自然地認為它們的存在.是理所當然的.
父母的養育關愛.
情人的温柔體貼.
朋友的肝膽相照.
也許會對它們理所當然的存在,太冷漠,或者覺得還未足夠,應該有更多的理所當然.
它們當然會覺得難過,難過得想離開,最後理所當然地消失了.
等到它們消失後,我們又會理所當然地傷心起來.
但這份傷心,總理所當然地不只一次.

非喜勿看

(閱讀全文)

今天攞了半天補假,同一班同事仔吃了午飯.

午飯後,向他們送上祝福:

[大家努力D,工作順利.我走先.嘿嘿…]

也接受了他們的回應.

[車…死仔包.快D走啦…]

算…, 雖然回應唔多正面.一支公一向大方,唔會將呢D放係心上.所以繼續懷著愉快心情開始愉快的半天,首先走進漫畫店,買了朋友力推的KERORO第一集.在回 家的車上,看得津津有味.在回家前還特意乘多一個站跑到附近一個商場閒逛.雖然是閒日,商場還是很多人,可以想像假日是多麼的恐怖.但今天小朋友比較多, 四處跳跳跑跑,為整個商場添上不少生氣.其他人也沒有假日的忽忽趕趕.一個字[悠].一支公萬無目的逛了一會,睇o下衫,睇o下靚女咁,睇到累,走到一間 心愛的乳酪店,high個 tea.回家再一邊食薯片一邊KO(一直都沒有時間睇)錄了三集的[男人之苦].真是暢快.

拋開公司的煩事, 拋開將來生活的擔懮,什麼都不想,什麼都不理,開開心心的,無懮無慮的,就這樣懶洋洋的過了半天,心輕了,人也輕了(直到上磅前一刻,一支公還相信是真 的).雖然只有半天,也算給最近勞累不堪的身心休息一下.好等明天有多一點氣力可以再度面對一些不想面對的人和事.

唯一美中不足的,就是沒有了妳,如果有妳伴我一起閒半天,有多好.